Versículos Bíblicos Populares relacionados a Lc 15

Compartilhar

Roma ri' kan xuchop na wi el bey k'a chirachoch ri rutata'. K'a nej na k'a k'o-wi ri ala' chire ri rachoch, toq ri tata'aj xutz'et, y janila k'a xujoyowaj ruwech. Roma ri' junanin xbe chuk'ulik, xuq'etej y xutz'ubaj.

Roma toq ninbij k'a yin ri', chi re nuk'ajol re' kamineq chik, jak'a wakami achi'el k'astajineq chik pe. Rusachon k'a el ri', jak'a xoqaqa chik qik'in, xcha' ri tata'aj. Jari' k'a xtikir ri nimaq'ij.

Kan qitzij k'a ninbij chiwe, chi chila' chikaj k'o kikoten toq ek'o jumuch' belejlajuj winaqi' ri choj kik'aslen, ri man nik'atzin ta nitzolin chik pe kik'u'x rik'in ri Dios. Jak'a k'o más kikoten ri chila' chikaj, toq k'o jun ri man choj ta ruk'aslen, nitzolin-pe ruk'u'x rik'in ri Dios.

Más utz kitzolin na rik'in ri nata', y xtinbij k'a chire chi ximakun chuwech ri Dios, y ximakun chuqa' chuwech rija'.

Ri ala' kan jari' xubij chire ri rutata': Táta, ximakun chuwech ri Dios, y kan ximakun chuqa' chawech rat. Man chik k'a ruk'amon ta chi nabij ak'ajol chuwe, xcha'.

Wi ta jun chiwe rix ri ek'o ta wok'al rukarne'l y nisach ta kan jun toq e ruk'uan-el richin yeruyuq'uj, ¿man kami yeruya' ta kan ri ch'aqa' chik rukarne'l ri chiri' pa juyu' richin nibe chukanoxik ri jun, k'a toq xtril na pe?