Versículos Bíblicos Populares relacionados a Gén 18

Compartilhar

¿Kan k'o kami k'a jun ri man ta yitikir ninben yin? Man keri' ta. Y roma ri' ri juna' apo xkinoqaqa chik awik'in, y jari' toq ri Sara xalex yan ri ti ral chiri', xcha' chire.

Y roma ri' toq rija' xa xtze'en-qa ruyon y xubij: ¡K'ari' ta k'a xtik'oje' jun wal yin, xa maneq chik wuchuq'a'!, xa janila chik in ri'j y chuqa' ri wachijil kan janila chik ri'j, xcha-qa.

roma kan qitzij na wi chi ri Abraham xtibe'ok jun nimalej tata'aj richin jun nimalej tzobaj winaqi' y kan xtik'oje' k'a uchuq'a' pa kiq'a' chuwech re ruwach'ulew y roma rija' xtinya' urtisanik pa kiwi' konojel ruwach'ulew.

K'ari' xjel-apo ri Abraham rik'in ri Jehová y xubij chire: ¿Kan xke'ak'is kami el konojel ri winaqi' ri utz kibanobal junan kik'in ri itzel taq kibanobal? Rik'in juba' xa ek'o ta e kawineq lajuj ri utz kibanobal. ¿Kan xke'ak'is kami el ri winaqi' y ri tinamit ri'? ¿Kan man xtakuy ta kami rumak ri Sodoma koma ri e kawineq lajuj ri'?

K'ari' ri Jehová xubij: Wi xkenwil ta e kawineq lajuj winaqi' ri utz kibanobal chupan ri Sodoma, xtinkuy k'a ronojel rumak ri tinamit ri' koma rije', xcha'.