Versículos Bíblicos Populares relacionados a Luk 7

Compartilhar

Wantagi yifa, Me nsidi we, we wu bobe obu botinoti alo acha we, waoye we akwe enun yi jugijugi. Ka mine wu alon acha ninsed akwe enun yi ninsed.” Jisɔs atɔ minkani awun arɔ, “Bobe ɔgwa alo acha we.”

Ka Jisɔs atɔ minkani awun arɔ, “Ochorekpo ɔwa ɔnyangi we; chog wa ekunakuna.”

Ka we alami nsɛm yu Jisɔs abɔgag bako ami, abeag, we ato ɔbedi bako ma Jisɔs yi babɛdag ami. We asiri mɔ yi ndi eyi, akug mɔ minyɔ, ka apog mɔ bakwu ma achobag mmu.

Yi ala me nrɔn lɔ ala mine wu akan kɔning wu abag mɔ ɔwa. Ekinging we kpei elem, mingban ama beke ting bekori we. Wa ebad ema me nle mine wu nle eboi ɔsa, yi banɔgag ba bera ba ale eboi ema. Ntɔrag owubɔ wud ndɔ chog alo; nhɔ tɔ wuntad ndɔ, ‘Bag,’ aba, Me ntɔ mingban ama ndɔ, ‘Lem yifa,’ alem yi.” Yi Jisɔs awoging balem mafa, beke beman we yi mine eri wu banɔgag ba bera wufa, ahɔ kpedi amɔn ekakab yi bane ba ali nyedag we, we arɔ, “Me nsidi nyɔ, nkan ndɔ npɛdi etɛm ochorekpo lafa kpe wa Isrel.”

Wa nten ayua Jisɔs agban jugijugi ba akwe bekɔn, ba ayɔgɔyɔ yi ba akwe bebe bi bɔnyɔganyɔ, agban jugijugi ba acheging mmɛd arɔ nnen. Ka abɔri bɔ ba Jɔn afonging arɔ, “Tisɛm anyɔng nyɔ ka sidi Jɔn yi nyɔ ɔmarɔ ɔrɔ, yi yi nyɔ owog. Bachegag ba mmɛd ali rɔag nnen, bɔbɛni baken, ba akwe bafon agban bɔ, bakɛnag ba baroi awog, ba akwɔn anyimi ka etingi nsidi akwɔri ake bakpak.