Versículos Bíblicos Populares relacionados a Genesis 22

Compartilhar

Dan Abraham kari a presi drape: MASRA sa sorgu gi en. Dat' meki te nanga a dei fu tide den sma e taki: “Tapu a bergi fu Masra, Gado sa gi wi sa wi abi fanowdu.”

Ne Gado taigi en: “Go na a kondre Moria na wan fu den bergi di mi sa sori yu. Yu mus teki Isak, a wan enkri boi fu yu di yu lobi so, tyari go drape. Dan yu mus bron en leki wan ofrandi gi mi.”

Ne a Engel taigi en taki: “No fasi a boi. No du en noti. Mi sabi now taki yu e lespeki Gado. Yu no ben wani hori yu wan enkri manpikin srefi na baka gi mi.”

Abraham piki taki: “Mi boi, Gado srefi sa sorgu gi a skapu di mus bron leki ofrandi.”

taki Mi sa blesi yu bogobogo. Mi sa gi yu someni bakapikin leki den stari na heimel èn leki a santi na sekanti. Den bakapikin fu yu sa teki den foto fu de feyanti fu den abra. Ala folku na grontapu sa winsi fu Mi blesi den leki fa Mi blesi den bakapikin fu yu. Mi sa du disi fu di yu du san Mi taigi yu fu du.’ ”

Baka wan pisten Gado ben wani tesi Abraham. A taki: “Abraham” Dan Abraham piki taki: “Iya, mi e arki.”

Ne a Engel fu MASRA kari en kmoto fu heimel. A taki: “Abraham, Abraham.” Abraham piki: “Iya, mi e arki.”

A Engel fu MASRA kari Abraham fu a di fu tu leisi kmoto fu heimel. A taigi en taki: “Masra taki so: ‘fu di yu no hori yu wan enkri manpikin srefi na baka gi Mi, meki Mi e sweri gi yu na Mi srefi

Di den doro na a presi di Gado ben sori den, Abraham bow wan altari. A seti a udu na en tapu, a tai Isak, dan a poti en tapu a udu fu a altari.