Versículos Bíblicos Populares relacionados a Genesis 17

Compartilhar

Di Abram ben abi neigitenti-na-neigi yari MASRA sori ensrefi na en, dan a taigi en taki: “Mi na A Gado di abi ala makti. Libi leki fa Mi wani taki yu mus libi. No meki mi feni fowtu na yu.

Fu dat'ede den no sa kari yu Abram moro langa, ma yu sa nen Abraham. Bika Mi o meki den bakapikin fu yu tron bigi folku.

Mi e meki a ferbontu disi nanga yu, ma a o de fu den bakapikin fu yu tu. A ferbontu disi o de fu têgo. Mi sa de Gado gi yu, den pikin fu yu nanga den bakapikin fu yu.

“Luku, Mi e meki a ferbontu disi nanga yu: den bakapikin fu yu sa tron bigi folku.

Ma Gado taigi en taki: “Kwet'kweti. Yu wefi Sara sa kisi wan manpikin èn yu mus kari en Isak Mi sa meki wan ferbontu nanga en. Disi sa de fu têgo èn a sa de tu gi den bakapikin fu en.

Mi sa gi yu nanga den bakapikin fu yu a kondre disi pe yu e libi now leki wan doroseisma. A heri kondre Kanaan sa de fu unu fu têgo èn mi sa de un Gado.”

Dan Abram trowe ensrefi nanga fesi na gron. A lafu dan a prakseri na ensrefi: “Wan man fu wan hondro yari o man tron p'pa ete? Sara o man meki wan pikin ete nanga en neigitenti-na-neigi yari?”

Gado taigi Abraham tu taki: “Yu no sa kari yu wefi Sarai moro, ma yu sa kari en Sara.

Un sa koti a fesibuba fu un manpresi puru. Dati sa de a marki fu a ferbontu fu Mi nanga unu.

Ma a ferbontu fu Mi na fu Isak wawan, a manpikin di Sara o meki tra yari gi yu, a srefi pisten disi.”

Fu têgo ala manpikin mus besnei aiti dei baka te den gebore. Disi de gi yu eigi folku, gi ala sma di gebore ini yu oso, nanga gi den sma di yu bai nanga moni ma di no de sma fu yu folku. Ala srafu di gebore ini yu oso nanga den wan di yu bai nanga moni mus fu besnei. Tapu a fasi disi a marki na yu skin sa sori taki Mi abi wan têgo ferbontu nanga yu.