Versículos Bíblicos Populares relacionados a मत्ती 10

Compartilhar

थेमे ज्‍येन बात च्‍यि सासीन फारे हूलगी लुई बगालला थेप्‍सुङ सासीन चुक खिते सिन ङुरूङला छ्या ओत मेन? ङे दुरूकी ताङनामेई फारेकी लुकला खिता च्‍योकराङ मिओनगी ख्‍योकोनला मेलेबा खिओ। थोगी ख्‍योकोन रूल च्‍योकराङ च्‍याङबो खाला देत। थेमे थेबा सुङलाङ छ्याःङ मेलेबा मिक्‍किता खाला गन्‍दीमा च्‍योकराङ सुधो ओङला काम खि।

च्‍यि सासीन तिरी बो माताबा खाला दाक्‍पोन ज्‍यानगी माया खित्‍कान्‍ते मिकीचेन नोमुङ मिसिन्‍च्‍येते जुनी मेङेदो। दाक्‍पोन फाइदा माताबा खाला ङे लाईदु दाक्‍पोन ज्‍यानगी मायाङ मारे खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

दोक खित्‍जीन ख्‍योकोनला सेता छोल्‍कान्‍ते मिओनताङ ज्‍यीबा माकेत। थेबेकीनी ख्‍योकोन ज्‍यानकामा लिन्‍दा थुप्‍क्‍यो, आत्‍मालाचेन छ्याःङ खिता मुथुबो। बरू परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो।

जस्‍तो दुक्‍पा ओङसीनोङ ओङस्‍यीत सिन दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी ख्‍याम्‍कान्‍ते मिकामा ङे चेला ओङा सोई खिओ।

दि बात ङेन। च्‍यि सासीन ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला स्‍वर्गने ओताते आबे दोन्‍दु ङाङ था तिरी दि ङे मि ईन सिन सिओ। मि दोन्‍दु ज्‍यीबेकी ङानी येशूला विश्‍वास खित्‍कान्‍ते मेन सिरकान्‍तेलाचेन आबे दोन्‍दु थेजीन ङाङ दि ङे मिराङ मेन सिन सिओ।

थेमे नाबाते मिओनला ठाक्‍पा खि, स्‍याप्‍तेबाला सोम्‍बो लोक, जे खोबातेबाला ठाक्‍पा खि थेमे ल्‍हन्‍डीक खोबाते मिओनदुकी ल्‍हन्‍डीकओन तेन्‍ला थोङ। दोक खित्‍च्‍येते शक्ति खेराङगीङ छ्याःङ मेतेरा खाईन थाराङ ङेताते ईन। थोगी ज्‍येनला लोप्‍जीनताङ ठाक्‍पा खित्‍जीनोङ छ्याःङ मालिन।

थोगी थेकी माताता सिन ख्‍योकोन ज्‍यीबा माकेत। छ्यिल्‍बाक भन्‍दानी परमेश्‍वर लाईदु ख्‍योकोन खापान खापान छ्ये ईन।

थेमे ख्‍योकोन ङा मिओनला डिक च्‍युत्‍ला किम्‍मु लोङाला दुरू वाबाते ईन्‍दासीन सिन मासेर। अहँ, ङानी थोक खिताला मेनगी ठाल ज्‍युतालाका वाबाते ईन।