Versículos Bíblicos Populares relacionados a I YOHANE 15

Compartilhar

Ongkuemo keu anggoro ka omiumo luwuno sampano. Ba isema mo'ia i laro-Ku ka Ongkue mo'ia i larono, onae mewua hadio, hangano ba nahi saru Ongkue nahina hapa-hapa pinokoweweumiu.

Impo'iamo i laro-Ku ka Kupo'ia i laromiu. Mengkena kana sampano anu nahi pokompewua onaeno, ba nahi po'ia a ngkeu anggoro, kanatuu koa mbo'u omiu nahi mpewua, ba nahi mpo'ia i laro-Ku.

Tewala mpo'ia komiu i laro-Ku ka pau-Ku mo'ia i laromiu, impo'emamo hapamo koa anu inehemiu, ka komiu mentarimao.

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

Nahina pompehohawa anu lalu langkai sekonopo asa mia anu meweengakono penaano tiado sambe'eno.

Sompo sampano ndi Ongkue anu nahi pewua, Dopoleo ka sompo sampano anu mewua, Dopokomorinao, ka ipewua lalu hadio.

Ndiomo songka-Ku, onaemo ka imambe pehohawa, kana Kupehohawa komiu.

Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”

”Ongkuemo keu anggoro anu mentee ka Ondaemo Ama-Ku anu mekariao.

Ba isema nahi po'ia i laro-Ku, onae tinadi i bungkuno kana sampa ka igagi mokari, ka do'amba mepumpuo mia ka ipinetendeako a laro api ka imo'ai.

Luwuno atuu Kupauakomiu, ka ipo'ia i laromiu po'unde-Ku ka po'undemiu gagi soompo.

Tewala imentondao songka-Ku, komiu mpo'ia a laro pompehohawa-Ku, kana Kutondao songka-Do Ama-Ku ka mo'ia a laro pompehohawa-Do.

Ndiomo parenta-Ku ndi omiu: Imambe pehohawa.”

Bakana me'inso komiu i wawontolino, asalakono ipehohawa komiu wawontolino kana miano. Sine hangano omiu komba inso i wawontolino, tendeano Kubiniki komiumo inso i wawontolino, onaemo pu'uno ka i'o'aliaakomiu wawontolino.