Versículos bíblicos populares de Matius 7

Partilhar

Yesus nfalak, “Mtyak dedesar myof Ratu, keta I nal ber a kmi. Ma minriak safe ma mpyerlu myof I a ne keta nal ber a kmi. Ma dedesar ma mtyar ngarany nema keta nbanril fofolat ber a kmi.

Fali tomwate ma ntak nof Ratu keta nal ber i. Tomwate ma nanriak ni perluar nof Ratu keta nal ber i. Ma tomwate ma dedesar ma ntar Ratu ngarany, keta nbanril fofolat ber i a nbal.

Yesus nfalak a nbal, “Tomwate ma ndengar Ningw ngribatnir ye ma nose a nlarat, keta i farlan tomwate ma ni andaun ngamone ma nafdiri ni das na bati das.

Yesus nfalak, “Safe-safe ma kmi mpyeang ma tomwatar rose ber a kmi, ka myose farane ber sir a nbal. Fali ni botuan e iane anftutu ma ubany desar. Ma safe-safe monuk ma rarengi na tetetkar ma Ratu nal ber Musa, ma nabyar nir kitpar a ne, iane nof anftutu ma ubany desar a ne.”

Nempa fofolat ma dalamtene ma nor tomwatar ma ronri momorip dedesar a ne marumat ma mpalole. Ma lan tomwatar ketnir ma rlanre rof a ne.”

Yesus nfalak, “Wangur, farlan mireke ma myonri momorip dedesar, ka mpyan milyole fofolat mpalole, fali dalamtene ma ral far neraka ne melabar ma tomwatar yadin nlanre rof a ne.

Boloka tomwat yatkar a kmi nempa mifai ma myal kabain ngamonar ber angkimir. Ma nlengan e Amir ma namin surga ne, fali I nafai desar ma nal kabain ngamonar ber sir ma rtak rof I a ne.”

Yesus nfalak ber tomwat ngayadin, “Ka kete mfyasale tomwatar nema Ratu kete nfasale kmi. Fali farlan kmi mtyetak feti tomwatar rose sale, keta Ratu ntetak feti kmi myose sale nbal. Ma Ratu keta nal yayatrwar ma mpyaki la mtyetak tomwatar nir salar a ne la ntetak mir salar a nbal.

Ma tomwate ma ndengar Ningw ngribatnir ye nempa to nose nlarat, i farlan tomwat mode ma nafdiri ni das na knryai.

Katutun sit ma namin wamir matnir e kmi msyalan, ma balak ma namin matmir e to mkyeban. Mpa ka kete mfyalak ber wamir feti, ‘Awa, mwa ma kwalin kalin katutun sit kof matam dalam a ne,’ safo balak ma namin matmir a ne to mkyeban.

Yesus nfalak, “Ka mijake kmi myof tomwatar ma rose felnir far nabyar ma rafwibar Ratu Ni ngribatnir, nempa ni botuan e sir rayatak desar farlan asw alas mangaresar. Kmi bise ma mifai feti sir a ne Ratu Ni nabyar nre nabi wawatar nof nir adat ma rfatutu ne. Iane feleles farlan kit tafai katutun a ne nof buany. Ma tomwatar to rtikar ara buany rof skiki kakari, ma to rtikar anggur buany rof katutun matdyemnir.

To katutun fen lese ma nangafel ma keta buany to nangafel, nre to katutun fen lese nbal ma to nangafel ma keta buany nangafel. Ma farlan katutun ma nangafel keta buany nangafel, nempa katutun ma to nangafel keta buany to nangafel a nbal.

To katutun fen lese ma nangafel ma keta buany to nangafel, nre to katutun fen lese nbal ma to nangafel ma keta buany nangafel. Ma farlan katutun ma nangafel keta buany nangafel, nempa katutun ma to nangafel keta buany to nangafel a nbal.

Ma katutun ma nabu e to nangafel la rketan ma ryebas far au dalam.