Versículos Bíblicos Populares relacionados a मत्ती 16

Compartilhar

तब येशू आपन चेलासिके कहैल्कै, “अगर कोय हमर चेला बनैले चाहैछैं ते तोरासिके आपन योजना आर हितके छोडे पड्तौ। ओकरा हमर लिए मरैके लिए भी तैय्यार रहे पड्तै। अन्तमे, ओकरा हमर चेलाके रुपमे हमर अनुसरण करे पड्तै।

हमे तोरा कहैछियौ कि तुहें पत्रुस छैं। हमे हमर मण्डली यी चट्टानपर स्थापित कर्बै, आर नरकके फाटकसब एकरापर विजय नैहैतै।

हमे तोरा स्वर्गके राज्यके चाभीसब देबौ। जे तुहें धर्तीमे बान्भैं, से स्वर्गमे बान्हल जैतै, आर तुहें जे यी धर्तीमे खोल्भैं, से स्वर्गमे खोल्ल जैतै।”

कहिनेकी जे यी धर्तीपर आपन जीवनके बचाबैके कोशिश कर्तै, ऊसब सच्चा जीवन नैपाबे सक्तै। मगर तुहेंसब जे हमर कारण आपन जीवन दैछैं, सच्चा जीवन पैभैं।

तुहें संसारमे सभे चीज प्राप्त करि लेल्हैं मगर परमेश्वरके संगे कहियो खतम नैहुएवाला जीवन पाबैके मौका खतम क्या देल्हैं ते, तोरा कोनो फैदा नैहैतौ। कि यी सम्भव छै कि कोय कहियो खतम नैहुएवाला जीवन पाबैके लिए परमेश्वरके कुछु दिए सकैछै? नै, ऊ कुछु नैदिये सकैछै।

ऊ ओकरासिके पुछल्कै, “मगर तुहेंसब अपने आपमे कोन्ची सोचैछैं, कि हमे के छियै?” सिमोन पत्रुस जबाब देल्कै, “तुहें परमेश्वरसे भेज्ल गेल ख्रीष्ट छह, जिन्दा परमेश्वरके बेटा।”

येशू ओकरा कहैल्कै, “योनाके बेटा सिमोन तुहें धन्यके छैं, कहिनेकी यी बातके ज्ञान तोरा कोनो आदमीसे नै, मगर स्वर्गमे भेल हमर परमेश्वर पिता तोरा यी प्रकट कैल्कौ छे।