Versículos Bíblicos Populares relacionados a Isaia 53

Compartilhar

Ma di wa kapta i u ra nudat wabulbul, di um i u ra nudat petakakai: di pet na kămkămiak korom i, ia kuma dat wemanan uni; u ra na kameg dat lalaun uni.

Dat rap dat wan rara le ra kum sipi; dat wan weran u ra nudat kum akapi; ma Ieova i pakitai un i a nudat petakakai rap.

A ligtatuna, a nudat ku a tapunuk i um i, ma ra gunugut na baladat i a lopai: ma dat kanapi lena, Nara ku a kabina ba di rapu i, di ko i, di wagugut i.

A tara diat buliga i, ma diat wăliua i; a muana i tapunuk liklik a balana, ma ra gunugut i um i: dat pulubat a matadat kon i; di buliga i, ma pa dat ururu un i.

Di pet na kămkămiak korom i, di wagugut i, ma pa i pira ta lig: di benpa i le ra nat na sipi u ra winirua, ma le ra sipi i mutmut na ra matan ia ba i kālăi, ia kai pa in tapa kal a wana.

Ma Ieova i toka um i ku: i wagugutata i: ba u pam a niono in wekulbat a petakakai, in bobo ma ut a bulumurina, i pet a weiokpa nuna lalaun, ma ra lig rap ba Ieova i nemi in taua ko u ra limana.

I a taua na ra matana le ra ibulina, le ra akara bulug tak u ra ma ke ke na pia: pa i koina matana ma ra panina, ba dat bobo i, pa ta marina dat a nem i uni.

A lig kumi ag palau ia uni ma diat a kum uiana u ra utna na kinamara; kuma i a laborua a nuna lalaun ba in mat: ma di luk ugai ma ra kum tenawabulbul: i lopa a petakakai a nu ra magoro, ma i arig kup diat a kum tenawabulbul.

In bobo a uai na gunugut i ra niono, in mauru uni; ba diat nunura a nug wetula a tenapetoduru, in pani kadopa diat uni a magoro; kuma in lopa a nudiat petakakai.

Di benua i u ra werara ma ra na ko kon: o oi na pa diat a tauntara kuma i nunuk uni? kuma di umua i ko ra bual na lalaun: di a raputa i u ra petakakai a nu ra nug tara.

Di pnnăg ugai ma ra akakaina tara, ba i tapula di taram rua i korom a petpalig: ma pa i pet na kămkămiak, pa ta waruwaru ka kai i pari ko ra wana.