Versículos Bíblicos Populares relacionados a Naiˍ htangˍ 5

Compartilhar

Peˍtruˆ nae naiˍ htangˍ uiˍ ciˍ jiˍ yang, Changˉ beu ciˍ tangˍ hingˍ htaˍ veu Hpaˍcaoˍ beu ang tangˍ hingˍ na gu ya naˉ yuˉ naeˉ yaˇ.

Yawng cu nuing ang buinˉ paˉ kyaˉ cawngˉ ang huiˍ nae yumˉ hkaoˉ veu, Yeˍsuˆ nawˍ Hkrit mangˍ yaˇ nae aˉ mae beu muiˉ maˍ biˍ yao ang cup baˍ chae ang buinˉ maˍ jiˍ.

Peˍtruˆ yang na ha biˍ jiˍ yang, Aˍnaˍniˆ veuˉ, Ang hkawˍ laˉ ang seungˍ sangˉ mangˉ na tuingˍ keˍ keˍ naeˍ na baˍ upˍ, nuingˉ chaˍ huˍ hpuˉ htiˍ pun yuˉ taw saiˍ na baˍ upˍ, nang ningˉ mae ha siˉ naeˉ uiˉ nuing ba htiˍ puing nae ca laˉ naeˉ uiˉ saˍ laiˍ aˉ mae jeuˇ Saˍtanˍ nang na piˉ kuitˆ awkˍ ga laˍ jiˍ. Nuingˉ chaˍ hingˉ ngaˍ baˍ kawngˍ awkˍ ngangˍ beu nang beu baˍ aˍ la. Kawngˍ yao ya jiˉ hpuˉ hingˉ muiˉ nang keungˍ hpeuˍ naeˍ baˍ aˍ la. Ba ceuˉ ha yao ningˉ mae ha naeˉ nae nang nuing ba hingˉ kuitˆ awkˍ ga yaeˇ. Naˇ changˉ yaˍ na tuingˍ keˍ keˍ naeˍ baˍ aˍ, Hpaˍcaoˍ na tuingˍ keˍ keˍ byaˇ nae ha biˍ jiˍ. Ciˍ tangˍ hingˍ na yaˍ kyaˍ beu Aˍnaˍniˆ heung nga aengˉ yao siˉ jiˉ. Hingˉ awˍ lawng na yaˍ kyaˍ jiˉ changˉ uiˉ muiˉ hkae hko jiˉ.

Hingˉ pa nae, changˉ ningˉ uiˉ na a muiˉ htiˍ ceuˍ baˍ ha jo. Yawng namˉ yawng na nae ca bu. Yawng kuitˆ jiˉ hingˉ nae yawng vaˍ naeˍ kanˉ ningˉ, changˉ yaˍ uiˍ kawngˉ hpeuˍ laˍ jiˉ uiˉ nae baoˉ vaˍ, kangˍ hpya yao aeˉ naeˉ uiˉ yaˇ. Caˇ, Hpaˍcaoˍ kawngˉ hpeuˍ laˉ jiˉ uiˉ nae baoˉ vaˍ, nawng tiˍ chaw yao baˍ kaˍ. Nawng ngaˍ Hpaˍcaoˍ na haenˉ tap naeˉ uiˉ changˉ muiˉ hpeuˍ laˉ naeˉ nae ha biˍ jiˍ.