Versículos Bíblicos Populares relacionados a Matthew 3

Compartilhar

“Fesh than forth the frutes conform till repentance!

And tak tent! a voice oot oʼ the lift, sayin, “This is my Son, my Beloved, in wham I delicht!”

And Jesus, whan he was bapteezʼt, gaed up straucht frae the watir, and lo! the heevens war unsteekit till him, and he saw the Spirit oʼ God comin doon like a doo, and lichtin upon him.

“I, indeed, div in watir bapteeze ye intil repentance; but he wha follows me is sterker nor mysel; whase shoon Iʼse no fit to cairry; he sal bapteeze ye wiʼ Holie Spirit, and flaughts oʼ fire.

“And noo is the aixe brocht to the rute oʼ the trees; and ilka tree bringin na forth gude frute is cuttit doon, and cuisten intil the burnin.

For it is he wha was tellʼt oʼ by Esaiah the prophet, sayin, “The sough oʼ ane crying oot iʼ the waste, ‘Mak ye ready a gate for the Lord! Strauchten oot his fitpath!’ ”