Versículos Bíblicos Populares relacionados a Mateo 22

Compartilhar

Maabae Jesusba naka panausii: —Chi naa b̶ʉd̶a bed̶ea naka jara b̶uu: “Joma bichi sõd̶eeba, joma bichi jaurid̶eeba maud̶e joma bichi kʉ̃risiad̶eeba bichi Akõre Mechiu kʉ̃riáse”. Dachi Akõreba waubi b̶uu bed̶ead̶ebena mau chi nabenabʉ maud̶e chi aude mechiubʉ. Maud̶e mawãare b̶uu ara mau kĩra b̶uu. Mauba naka jara b̶uu: “Waabenarã kʉ̃riáse ara bichi kʉ̃ria b̶uu kĩra”.

Mau kʉ̃risia ome aude panuu dachiba ijãaduubʉrã, joma Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a waud̶ai.

Dachi Akõreba ãrea iukua b̶uu, maamina b̶aꞌãraburu pekuai».

Ũrísturu. Biuped̶aad̶arã chokae jiradud̶ai ewarid̶e kima adaud̶aabai maud̶e ab̶au bid̶a wẽra dead̶aabai miakãimera, maumaarã Dachi Akõre angelerã kĩra nuread̶ai.

Parata sẽetao dachiba paabadau ab̶a unubísturu. Ara makʉd̶e sẽetao ab̶a unubisid̶au. Jesusba ichiaped̶a id̶isii: —¿Kai kĩedarrma nau sẽetaod̶e b̶uu? ¿Kai trʉ̃ b̶ʉ kub̶uma? Ãchiba panausid̶au: —Romad̶ebena chi aude mechiu niid̶e. Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.