Versículos Bíblicos Populares relacionados a Mateo 19

Compartilhar

Jesusba ãchi ichiaped̶a jarasii: —Ẽbẽraba mau poyaa waukau maamina Dachi Akõreba poyaa joma waubarii.

Ãchi ome panuu kĩrawãe, maumaarã kakua ab̶a nii kĩra nibad̶ai. Maud̶eeba Dachi Akõreba chi araa ãbua b̶ud̶a ab̶au bid̶a amaabai.

Jesusba panausii: —¿Machiba Dachi Akõre bed̶ead̶e, nau ed̶a jarad̶awẽa panuu kĩra? Nau drua wausiid̶e Dachi Akõreba mukĩra maud̶e wẽra wausii. Maud̶e jarasii: “Maud̶eeba mukĩraba chi akõre maud̶e chi nawe b̶ʉiped̶a ichi wẽra ome ãbua b̶eei. Maka kakua ara ab̶a nii kĩra nuread̶ai”.

Maud̶eeba Jesusba jarasii: —Warrarã mʉʉmaa ida neebísturu, Bajãad̶e B̶uuba ichid̶irã ichi juad̶e ua b̶uud̶erã naarã kĩra nureed̶eeba.

Maka chi naa nuree kaad̶e nuread̶ai, maud̶e chi kaad̶eare nuree naa nuread̶ai.

Mʉ kakua ab̶auba ichi de, ãbarã, neekaurã, akõre, nawe, kima, warrarã maud̶e chi drua b̶ʉiruubʉrã, ichiba b̶ʉid̶a audeara 100 adaui maud̶e Dachi Akõre ome ewaricha chokae b̶uai.

Maud̶e Jesusba ichimaa jarasii: —Bichi biawãra jipa b̶uai kʉ̃ria b̶uubʉrã, bichiba uru b̶uu joma nedobʉid̶e wãped̶a chi nejarr barauwãe nureerãmaa dead̶akase. Maka bajãad̶e ne bia uru b̶uai. Maabae mʉ baara nibad̶e neese.

Jesusba panausii: —¿Sakãe mʉʉmaa ne bia ʉ̃rʉbena id̶i b̶uma? Ab̶aburu Dachi Akõréturu biꞌia nii. Bichi Dachi Akõre ome ewaricha chokae b̶uai kʉ̃ria b̶uubʉrã, ichiba waubi b̶uu bed̶ea wause.

Waya mʉʉba jaraaruu: chaarea ãrea b̶uu barau nii Dachi Akõreba ichi juad̶e ua b̶uud̶e b̶uayu, camello ab̶a ãkusa daud̶e wãi bad̶amaarã.

Mʉʉba jaraaruu: Barikiuba ichi wẽra junebena ome kãiwẽa b̶uu amaaped̶a, maabae junebena wẽra ome miakãiruubʉrã, mau mukĩraba kachirua wau b̶uu. [Junebena mukĩraba chi amaad̶a wẽra ome miakãiruubʉrã mau mukĩraba kachirua wau b̶uu mau wẽra ome.]

Maud̶e Jesusba ichi baara nibabadaurãmaa jarasii: —Biawãra ãrea chaarea b̶uu ẽbẽra ne barau nii Bajãad̶e B̶uu juad̶e b̶uai baita, ichid̶irã baara.