Versículos bíblicos populares de ወንጌል ዘማቴዎስ 18

Partilhar

እስመ ኀበ ሀለዉ ክልኤቱ ወሠለስቱ ጉቡኣን በስምየ ህየ እሄሉ አነ ማእከሎሙ።

ወዓዲ እብለክሙ ለእመ ኀብሩ ክልኤቱ አው ሠለስቱ እምኔክሙ በውስተ ምድር በእንተ ኵሉ ግብር ዘሰአሉ ይትገበር ሎሙ በኀበ አቡየ ዘበሰማያት።

ወጸውዐ ሕፃነ ወአቀሞ ማእከሎሙ። ወይቤ አማን እብለክሙ እመ ኢተመየጥክሙ ወኢኮንክሙ ከመ ዝንቱ ሕፃን ኢትበውኡ ውስተ መንግሥተ ሰማያት።

ወዘአትሐተ ርእሶ ከመ ዝንቱ ሕፃን ዝ ውእቱ ዘየዐቢ በመንግሥተ ሰማያት።

ወዘሂ ተወክፈ አሐደ ሕፃነ ዘከመዝ በስምየ ኪያየ ተወክፈ።

አማን እብለክሙ ዘአሰርክሙ በምድር ይከውን እሱረ በሰማያት ወዘፈታሕክሙ በምድር ይከውን ፍቱሐ በሰማያት።

ከማሁኬ አቡየኒ ሰማያዊ ይገብር ብክሙ እመ ኢኀደግሙ አበሳሆሙ ለቢጽክሙ እምኵሉ ልብክሙ።

ወለዘሂ አስሐቶ ለአሐዱ እምእሉ ንኡሳን እለ የአምኑ ብየ ይኄይሶ ከመ ይእስሩ በክሣዱ ማኅረጸ አድግ ወያስጥምዎ ውስተ ልጐተ ባሕር።

ምንተ ትብሉ እመቦ ብእሲ ዘቦቱ ምእት አባግዕ ወእመ ተገድፈ አሐዱ እምውስቴቶሙ አኮሁ የኀድግ ተስዓ ወተስዐተ ውስተ ገዳም ወየሐውር ይኅሥሥ ዘተገድፎ።