Versículos Bíblicos Populares relacionados a Marcos 9

Compartilhar

Mawũãĩ Jesúsbara mawũãsia: Soidꞌu kꞌobꞌa bꞌeibʉrʉ soidꞌu kꞌobꞌʉitara jõma borekea.

Mawũãĩ aramaʉ̃ta kũrã zezebara nemi jĩgua mawũãsia: Mʉrã soidꞌu kꞌobꞌʉa. Mʉrã wuaabʉrʉ soidꞌu kꞌobꞌaita kꞌarebarua.

Jesús deidꞌu zebʉrʉdꞌera izha jʉrʉkuadꞌabara dobꞌaʉa widꞌi mawũãsidꞌa: ¿Daibara kꞌãrẽneba ãĩ jʉreta bꞌedꞌa ẽbasi? Mawũãnaĩ Jesúsbara mawũãsia: Jai kꞌãwũã bꞌʉra arakꞌãwũãrã ãĩ wã ẽã, awuarabʉrʉ ãĩ wã bꞌʉa nekꞌo ẽã zhiwidꞌi.

Tãrã biga, mawũãmina kʉya ẽbʉrʉ, ¿kꞌãrẽba kʉyabidꞌaipe? Tã biga kĩrãkꞌa bꞌeba zhiya adu-a bꞌeaudua.

Mʉnebemata ĩjã bꞌʉdꞌeba iabꞌaʉba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa, mʉta bia edabʉrʉra bari mʉta bia edabʉrʉ ẽã, awuarabʉrʉ bia edabʉrʉa mʉ zokꞌadꞌata.

Bariduba marã baniã diabʉrʉta marã mʉrẽ baera mawũã diara, mʉã wãrĩnu marãã jaraya, Daizezebara maʉ̃barira kꞌãrẽ diaya.

Bariduba abꞌa kꞌazhiruadꞌe bꞌaebibʉrʉta za zhi zromarã ẽãta mʉnebema ĩjã bꞌeta mawũã ora, maʉ̃ Daizezebara pua kꞌawua oya. Mawũẽ biga bakꞌausia osidaudꞌe yuta tãjʉ̃nape bꞌaribuedꞌaita pusadꞌe.

Bʉ dabʉba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ dabʉra ẽũtabʉrʉkarua. Audre biga Daizezeta Nokꞌota bꞌʉ maẽ edꞌa wãĩta dabʉ abꞌa bꞌʉta, dabʉ ũme bꞌʉta bꞌaribuedꞌai kꞌãñabara tebʉdꞌe.