Versículos Bíblicos Populares relacionados a HLIMI 3

Compartilhar

Cɛlɛ wɔ̀ɔ ki wele màʔa nya, nà ma da ki tiʔi pibi wele pí nyɛ kmama. Wɔ̀ɔ pí nya akakmaʔa gi ga ki laa kí na hɛn cun we mâ nì mâ po, nà maʔa ka, pa ma kaʔa fafaʔa cɛn ge. Wɔ̀ɔ kà cɔ nigbe màʔa ka mà kà kan wi pɔlɔ ma ŋa wi dá bo be wì tanla. Wiì wɔ̀ɔ kí syɔ màʔa ka kpo.

Wa ajobo ni be wɔgɔ ki dá bo ticlimi nì mà toro pì bɛfu na bì gban bì da pèè fanla. Àʔa bâ cɛlɛ yugu mà yo: «Kayocɛnŋɛ gi yo mâ yo Nyɛʔɛlɛ lí yo yò gáa nagɔ tiri ti pibi pà ka ge?»

Mí bi bɛnʔɛmɛ le yè kpafoʔo ni, mo ní cɛlɛ nì we, bì mì le nɛ cɛlɛ wi kluʔu pii ní, mo ma kluʔu pii ní pe kpafoʔo ni. Cɛlɛ wi kluʔu pii wà bi ba ma yugu jaʔabu ge, di mo pa moo no wi cyele na le.»

Bajegɔ Nyɛʔɛlɛ à liʔi yo cɛlɛ ma we nɛ́ mà yo: «Mi bi acɛnŋɛɛ tama cɔlɔʔɔ wa ma na. Má bi baa deʔe bi naa ma pii hin be. Ma pɔlɔ wi laa kí bi ma co, di wí bi glɛn ma yugu na.»

Má bi kafuʔu kon wa ma jɔlɔ na bìʔi wa kpɛn bì na ma hro ta de fɔ ma ba nì ma hrù ma je wa nɛ tra ni, deʔe ga na ma dá nyini ge. Mɛjɛn má nyɛ taplɔʔɔ. Má bi ba nì bì gɛri nɛ taplɔʔɔ ni ge.»

À liʔi yo naŋa ma we mà yo: «Má ma ma cɔ wi kayoʔo kiì kpɔʔɔ mà tiʔi pyɔ ka we ga mi dá yo mò je gá ge. Kiì kɔsɔ na tra tí ma danŋa ma kala na. Má bi da deʔe ceŋge bì naa ma akaba taʔa be ma nyuwyeʔe kì bɛfu na.

Bajegɔ Nyɛʔɛlɛ à li yo: «Han maʔa yo má kan mâ yo ma dí bo waʔafe ge? Má ma tiʔi pibi pà ka yo ba mi dá yo mò je ga pà ka ge?»

Bajegɔ Nyɛʔɛlɛ li gɔ́ɔ̀ yrigi kɔ, à li syerubɛnyee yrigí be Edɛn nagɔ tanla wi yaajɛhaʔa namyɛlɛ na le mà plɛn mlaʔa kpele ní la li dáa nyi kwɔʔɔ ge. À li na wa na krɛʔɛ be jango bì da nyuwyeʔe tiʔi kɔrɔsi ge.

Naŋa ŋa pé na yeri Adan wɔ̀ɔ yele kan wi cɔ na mà noo yeri Ɛfe. Ki na po pé yo: Nyuwyeʔe. Mɛjɛn wi dá bo drunya hɛɛn pè bɛfu pe no.