Versículos Bíblicos Populares relacionados a JAN 6

Compartilhar

Ló Jezwi kranman wo lée: – Mɛn nɔn mɛn ni ńmɛpɔ́bhá kpánhɔn. Lephan kasé ɛbha mɛn phɔ, áko bha le cu hɔ́n hɛ, ló lephan kasé ɛbhu mɛn mímí, ńdukro bha le cu hɔ́n hɛ.

Nánnánmi nɔn ásé lephan mɛpɔ́bhá; lephanmi wrɛ́ le gɛ tɛ́ yíɛkɛ. Ábhwe lókɔn mɛɛ́n tɔ sé hɔ́n, lónɔn ali Nánnánmi le ńmɛpɔ́bhá.

Ɔ́n ne lí júmán sé ńnɛn ábha bɔn, lókhɛ́n tɛmɛ ɔ́n ní júmán sé ńnɛn khɛ́n ábha tré mɔ́n, lókhɛ́n ábha sé lephan ńmɛpɔ́bhá álephú. Ló ńnɛn yábhɛ lókɔn, lónɔn Lephan Mi bha bhó sé hɔ́n, átɛsalé mɛ́n lókɔn, ńni lephan bɛn lo The Yankan mɔ́n tre mɛ́n tho.

Mímí, mɛn Nthe yí apɔ nɔn ali salé: néphan khúnbrɛn khɛ́n awu mɛ́n Bhi, khɛ́n abhu nkɛ mímí, wo gɛ ńmɛpɔ́bhá álephú, ló ácí míbrɛ ábha phúji, mɛn chɛ́ wo chán ákhúnɔn mɛn fe.

Jezwi kranman wo lée: – Áyí Yankan pɔ salé ɔ́n tɛ́ nɔn ali lée ɔ́n mú lephan lókɔn ńchɛ bha mímí.

Lephan khɛ́n mɛn Nthe bho se mɛn, ánman má mɛn phɔ, ló saji lephan khɛ́n ebhá mɛn phɔ, mɛn man nɛ́n trɛnmɛn

Simɔn Piɛ kranman Jezwi lée: – Hwánthe, abɛn yé lo bhá hɛ́n lo? Hɛ nɔn ɛpɛ ábhwetɔ́ ásé lephan mɛpɔ́bhá álephú.

Mɛn nɔn mɛn ni ńmɛpɔ́bhá kpánhɔn achantho bha áthéji, lephan kasé ɛtha kpánhɔn lókɔn, ɛ́bha bhá mɛpɔ́ godo. Kpánhɔn lókɔn khɛ́n mɛn mán se, lónɔn ali mɛn nánmí, ochɛ́sé áthéjinɛ́n ogɛ mɛpɔ́bhá.

Álepɛ lephan ábha bhá mɛn phɔ, kasé mɛn Nthe achɛ mɛn ma, mɛɛ́n nbrɛn ńnɛn do lephan lókɔn se mɛn, ló ácí míbrɛ ábha phúji, mɛn chɛ anchán ákhúnɔn mɛn fe.

Átɛsalé Yankan kpánhɔn khɛ́n abho esé néphan, lónɔn ali Lephan Mi achantho bha, khɛ́n abho ńmɛpɔ́bhá esé áthéjinɛ́n.

Mɛn nɔn mɛn ni ńmɛpɔ́bhá kpánhɔn.

Jezwi khwɛn kpánhɔn, ńmɔ ndu, ló ńnwa se néphan khúnbrɛn akhwa thé. Ńkhwɛn ncɔn, ńtɛ lóyábhɛ brɛ, ló néphan khúnbrɛn gɛ yí li ási wo mɛn. Lóka wo li yí khɛ́n ńmɛn si wo ɔn, lótɛ Jezwi kranman mɛ́n yíchwɛmán sa: – Tɛmɛ ɔ́n gba kpánhɔn khunkhu khúnbrɛn akha bhurɛhɛ́n, ɔ́n ne yɔ́ brɛ ká.

Yíchwɛmán si alwabɛ lo di, ágɛ lí khilomɛ́trɛn mwannán, saji ágɛ lí khilomɛ́trɛn ákhwá. Lóka yábhɛ nɔn wo wu Jezwi nɛnsi khɔ duphé tho ebhá wo hran phɔ, ló ákhwíthá ka wo hromɛn. Lókhɛ́n Jezwi ékranmán nkɔn lée: – Ɔ́n ne sókhú, mɛn nɔn mɛn má!