Versículos Bíblicos Populares relacionados a Lukas 22

Compartilhar

“Ya Bapa, kalu Bapa mau, Bapa kase jao samua penderitaan ini dari Kita. Tapi jang iko Kita pe mau, iko saja Bapa pe mau.”

Tapi Kita so berdoa supaya ngana tetap percaya pa Kita. Ngana nanti bale balakang pa Kita, tapi waktu ngana pe percaya pa Kita so kuat ulang, ngana musti kase kuat pa ngana pe sudara-sudara pe hati lagi supaya dorang tetap percaya pa Kita.”

Turus, Yesus ambe roti, kong bilang tarimakasi pa Tuhan Allah. Dia pela-pela roti itu kong kase pa dorang, Dia bilang, “Roti ini, Kita pe badan yang Kita serakan untuk ngoni. Makang ini untuk inga pa Kita!”

Bagitu lagi abis makang, Yesus kase cawan yang ada isi anggur pa Dia pe murit-murit. Dia bilang, “Anggur dalam cawan ini, Kita pe dara yang tatumpa untuk kase sah Tuhan Allah pe janji yang baru. Kong Kita pe dara yang tatumpa itu jadi bukti, Tuhan Allah pe janji yang baru untuk manusia so jadi.

Yesus pe hati menderita skali kong Dia lebe tamba kuat berdoa. Dia pe suar jatu sama deng dara ada tatetes ka tana.]

Tapi ngoni tara bole bagitu. Sapa dari ngoni samua yang mo jadi orang yang paling hebat pa Tuhan Allah pe muka, dia musti jadi sama deng orang tara penting. Kong sapa yang mo jadi pemimpin, dia itu musti jadi sama deng orang biasa-biasa saja yang jaga layani orang.

Tapi Yesus bilang pa dia, “Dengar bae-bae yang Kita bilang pa ngana, Petrus, malam ini sebelum ayam bakuku, ngana so manyangkal tiga kali, bilang ngana tara kanal pa Kita.”