Versículos Bíblicos Populares relacionados a Lukas 19

Compartilhar

Kita bilang bagitu, karna Anak Manusia yang dari sorga datang untuk mo cari pa orang-orang yang jao dari Tuhan Allah deng kase slamat pa dorang.”

Dorang bilang, “Puji pa Dia yang Tuhan Allah so utus datang kamari sebagai Raja! Skarang Tuhan Allah di sorga deng manusia di dunia so baku dame. Mari torang puji deng hormat pa Tuhan Allah yang Paling Tinggi!”

Turus Yesus bilang pa dia, “Hari ini, Tuhan Allah so kase slamat dari dosa-dosa pa ngoni yang tinggal di ruma ini, karna ngana so kase tunju, ngana ini butul-butul Abraham pe turunan.

Waktu Yesus sampe di tampa itu, Dia lia ka atas kong bilang, “Zakheus, capat turung suda, karna hari ini Kita musti tinggal di ngana pe ruma.” Pe dengar itu, langsung Zakheus capat-capat turung dari pohong ara itu kong dia tarima pa Yesus di dia pe ruma deng hati sanang.

Tapi Zakheus badiri kong bilang pa Tuhan Yesus, “Bapa, Kita mo kase stenga dari kita punya pa orang yang tarada apa-apa. Deng kalu ada orang yang kita so perna kase ruci, kita mo kase pulang pa dorang ampa kali lipa.”

Tapi ada babarapa orang Yahudi dari aliran Farisi yang ada di orang banya itu, dorang bilang bagini pa Yesus, “Guru, togor pa dorang yang jaga iko pa Guru itu supaya dong badiam.” Yesus jawab, “Kita bilang pa ngoni, kalu dorang badiam, batu-batu ini yang akan bataria basimore puji pa Tuhan.”