Versículos Bíblicos Populares relacionados a Marku 13

Compartilhar

Anthu onsene anati akuideni na thangwi ya dzina yanga. Mbwenye ule anapirira mpaka pa kumalisa, anapulumuswa.”

Lang'anirani! Khalani mbamudacenjera! Thangwi imwe nkhabe kupidziwa unafika lini n'dzidzi unowu.

Mungadza kamangwa mbamuperekwa m'manja mwa anyakutonga, lekani kunentseka kuti munadza kalonganji. N'dzidzi ungafika longani pire basi pinadza kakupangani Mulungu n'dzidzi unowu. Thangwi simwe tayu anadza kafuna kulonga, mbwenye ndi Nzimu Wakucena.

Kudzulu na pantsi panamala, mbwenye mafala anga nkhabe kudza kamala.

“Mbwenye pya thangwi ya ntsiku eneyi peno pya n'dzidzi, nkhabe munthu anapidziwa. Izo anju kudzulu, peno Ine Mwana wa Munthu, nkhabe kupidziwa. Anapidziwa ndi Baba ekha basi.

Mphapo lekani kugopa mungabva mbapilongwa pya nkhondo na mabvabva a nkhondo. Pisafunika kuti picitike tenepo, mbwenye si kumala kwa pinthu tayu.

Na tenepo, lang'anirani, thangwi imwe nkhabe kupidziwa kuti anabwera lini mwana cinthu nyumba. Peno na maulo, peno chiti-chiti, peno munalira madzongwe, peno na macibese. Kuti iye angabwera na mwansanga, akhonde kukugumanani mbamugona. Penepi pinakupangani Ine, ndisapanga anthu onsene kuti: Lang'anirani!”

Dziko na dziko inadza kamenyana, pontho umambo na umambo unadza kamenyana. Kunaoneka citeke-teke mu mbuto zizinji pontho na njala. Pinthu penepi ndi kutoma kwa nyatwa.

Thangwi pyonsene ipi mbipidzati kucitika, pakutoma pisafunika kuti Mphangwa Zadidi zimwazwe madziko onsene a pantsi pano.

Azinji anati abwere na dzina yanga mbalonga kuti: ‘Ndine pano,’ pontho anati anyengeze anthu azinji.

Imwe musafuna mucenjere, thangwi munadza kaperekwa n'nyumba zakutongera miseru, mbamukwapulwa na michamu n'kati mwa nyumba zawo za kuphemberera. Na thangwi yanga, imwe munati muperekwe pamaso pa atongi na pa amambo, toera mukhale amboni anga.

Thangwi anadza kabulukira akirixtu a uthambi na maporofeta a uthambi kuti anadza kacita pirengo na pinthu pyakudzumisa, toera pingakwanisika, anyengeze na ale ene anyakusankhulwa a Mulungu.

“ Mbwenye pa ntsiku zenezo, pakumala kwa nyatwa eneyo ikulu, ‘dzuwa inaswipa, mwezi nkhabe kudza kagakabve, nyenyezi za kudzulu zinagwa, pontho mphambvu za kudzulu zinatekenyeka.’