Versículos Bíblicos Populares relacionados a Luka 8

Compartilhar

Mbeu idagwa pa mataka adidi, ndi anthu anabva fala ya Mulungu mbaikoya na ntima wadidi na wakunyindirika. Na tenepo, anthu enewa asabala misapu na kupirira.”

Mbeu idagwa pakati pa minga, ndi ale anabva fala ya Mulungu, mbwenye pakumala ntsiku pang'ono, asabwerera na thangwi ya makhaliro a padziko ino, na mpfuma, na udidi wa padziko. Na tenepo, misapu inabala iwo, nkhabe tokota.

Mbeu idagwa padzulu pa myala ndi ale anabva fala ya Mulungu mbaitambira na kukomerwa. Mphapo na thangwi ya kusoweka michici, asakwanisa kutawira pa n'dzidzi ung'ono basi. Mbwenye pa n'dzidzi wa kuleserwa, asasiya pyonsene.

Penepo Yezu apanga anyakupfundza ace kuti: “Kukhulupira kwanu kuli kupi?” Mbwenye iwo akhadadzumatirwa, mbagopa, mbakhalonga okha-okha kuti: “Mbani unowu anafikira kutonga mphepo na mabimbi ene, pyonsene mbapim'bvera?”

Mbeu zidagwa m'mbale mwa njira, ndi anthu anabva fala ya Mulungu, mbwenye asabwera Sathani mbabulusa fala m'mitima mwawo toera akhonde kutawira Mulungu mbacimwana kupulumuswa.

Thangwi pyonsene pidabiswa pinati pioneke. Pontho pyonsene piri n'cibiso-biso pinati pidziwike na kupangizika pakweca.

Na tenepo, nkazi na kuona kuti aoniwa, acimwana kubisa. Abwera na kutetemera, agwa pa myendo pa Yezu, mbalonga pamaso pa anthu onsene, thangwi yanji an'khuya pontho na kuwangiswa kwa nthenda yace pa n'dzidzi ubodzi ene. Penepo Yezu ampanga kuti: “Mwana wanga, kukhulupira kwako kwakuwangisa! Ndoko na ntendere.”

Na tenepo, anyakupfundza ace Yezu anfendedzera dhuzi mbamulamusa, mbampanga kuti: “Mpfundzisi, Mpfundzisi, tiri kufa ife!” Iye alamuka mbapwekera mphepo na conzi kuti pimatame. Pyonsene pyamatama.