Versículos Bíblicos Populares relacionados a Toango 6

Compartilhar

Ko Yawe aoloka lokeseli ekiʼndʼemakʼonto ndʼokili, ko joi liko jolookya botema bolito mongo.

Ko Yawe aolena wae bobe wʼonto bokaka ndʼokili, wae wengi bankanela bʼotema bokiyo baki nko bobe wengi bembile.

Lolo Noa aotana boya ndʼaiso ba Yawe.

Biotswelo bia Noa biko bine. Noa aki bonto owa liongi; aolelama kolongo ndʼekeke ekae; Noa aolesana la Nzakomba.

Ko Yawe aokela, “Njifofofya banto limʼelongi eʼokili bokiʼmʼemaka, wae banto la nyama, la towawa tondakula, ko la tofulu tʼaliko, elʼemi njoka lokeseli ekiʼmʼaemaka.”

Aki banto oangaka lofula ndʼokili, ko bana bʼamato baotswaki elʼiyo, nkako bana ba Nzakomba baolena wae bana bʼamato bʼanto baki la lituka, ko limʼelʼiyo baokola bako bakʼiyʼosonaka wae bayale baaji bakiyo. Ko Yawe aokela, “Bolimo okami bofaoyalʼelʼonto seko, elʼende ale nko wunyu kika, lolo mbula ikae ifoyala bonkama la ntukʼife.” Ko banto bʼesakaana baki ndʼokili ndʼembilʼeko, ko la ndʼafeka, aki bana ba Nzakomba otswaka ele bana bʼamato ba banto, ko iyo baolaotela bana. Bane baki bantʼako ba mpamba baki kalakala, ko banto ba lokumo.

Noa akelaki nkʼelengʼeko; akelaki baoyiʼauma baki Nzakomba otomakʼende.

Ko Nzakomba aokela Noa, “Ekeke ea ncindeza eʼanto ndʼokili eokita; ele bokili bokama la lofundo lokiyo, ko bala, njifamelenganya, lʼiyo la bokili bolongo.

Tonga basua lʼabaya ba ngofela; ko tonga bako la ntena, ko baka basua bako la bolaka ndʼetei la ndʼanza.

Ko Nzakomba aolenda bokili, ko bala bofitana: ele wengiʼonto aofita baoyiʼakande la linyamo ndʼokili.

Ko lima wengi oyoike, wifotsweya bafʼafe ba wengi elenge, wae wafonge, ko baike, iyo la we; waotsweya jende lʼomoto.