Versículos Bíblicos Populares relacionados a Luka 9

Compartilhar

Khavbo avbo, a di embela vatshavbo, khuye: “Uye a vbwetago gu nyi landrela, a na dzi nyenye uye wurumba waye, a vbagara gihambano gyaye a nyi landre.

Kholu uye a vbwetago gu vbanyisa womi waye, a na wu luza; gasi uye a luzago womi waye khu kotani yangu, a na wu vbanyisa.

Jesu a di mu hakha, khuye: “Watshavbo uye a pharago liphadza, bwelo khavbo a khedza hwane, kha yedwi khu Mufumo wa Nungungulu.”

Giphaso muni a na gu gi manago wule a fumelago litigo rumba, a gu hegisa khu gu mbemba ni hungo waye, mwendro saye gu dzi dzimedza?

Kholu, uye a na khalago dzitshoni khu kotani yangu mwendro khu kotani nya mahungu yangu, Mwamana wa Muthu a na mu khalela nuye dzitshoni litshigu a na tago na tade khu gidhumo gyaye ni gya Babe, nigyo nya sihathwa nya guage ni dzingilozi!

Jesu a di mu hakha, khuye: “Migehe yi na ni mavbala yawe; sinyoni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

“Muthu watshavbo a na hakhago gyanana nya nga egi khu lina langu, kheni a nyi hakhago. Gasi uye a nyi hakhago, a gu hakha wule a nga nyi rumelago. Kholu wule a dzi sodzisago ngudzu vbakari gwanu, uyoyo khuye a gu khongolo.”