Versículos Bíblicos Populares relacionados a YOHANET 6

Compartilhar

at en he, mel yogoisasike: “Sùpùrùk inelugurinapìrek mene atì re, an nebeat o. Sa nen an noba wagìk, etaùken noba hìpìrethìgìk, igin halok he, sùpùrùk nele agìk, i nele agìk, ìkì logogin lek o.

Ala Areagùn nen apùnì inelugurinaperek o. Apùnì kweangma mene inomame ba aike hagasusak mea o. Mene re, wene an nen yogohisìkì lagì atì, Ala Areagùn nenat ikerek mene nogo nen he, inelugurinaperek wene yogohisìkì lagì o.

Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.

nopase a'la akikerek o. Atì'nogo akìkì logolìk, apùnì nen Ala aput nebe yì ineileken nììgìk, inetaùken noba hìpìrethìgìk, iko halok, inebe lopok ineluk motok logouagalùk, o elùgùn oba, an nen inelugurinabuagalùk a'la akikerek o,” ìlùk yogoisasike.

at en he, mel yogoisasike: “Ala a'la akikerek mene hit en hagasusak atì ebe re yì. Hinetaùken an Ala nen lakhani wagaikomo wagagi mene yì, noba hìpìrethousak atìat o,” ìlùk yogoisasikomo

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

An nopase lakhani wagaike mene a'nogo nen, apùnì lit-lit an noba wogisek wagì'lek halok, noba wesusak mea o. We, at en it aike lit-lit wogisek waganem noba wesugun halok, o elùgùn oba, an nen inelugurinabiginat o.

Atì'nogo yogosukwama, at en he, mel yogoisasike: “An nen wene aike yogohisak. Sùpùrùk pogot oba nen pelakhisa waga lagaike atì re, at Musa nen hùk. Lek o. At he, sùpùrùk ebe mene atì re, nopase nen an nebe apùnì kweangma mene inelugurinapìrek mene pogot oba nen pi wagagi atìat wokhisikerek o,” ìlùk yogoisasike.

wene aike mel yogoisasike; “Sùpùrùk inelugurinapìrek mene atì re, an nebeat o.

Atì'nogo hù'larik lagaukwama re, at Yesùt en sùpùrùk horoti mene aremnogo ekimo wanhìkesik he, “Ala nopase,” ìlùk hai warogo re, apùnì apik hù'lagaukwa mene amanogo sùpùrisìlìk he, ikan aremnogo atì'nogoat sùpùrisasike. Sùpùrisasikomo, it ina'la nen, nelo akasukwa hagat inalabut ning hogo nasukwa. Inalabut ning hogo nasukwama re, at agoromì ane wanhì lagaukwa mene amanogo mel yogoisasike: “Sùpùrùk nekasik ato titelogo hebaga mene aroma alema'lasi nogo nen he, atogorogo omakìma heni o,” ìlùk yogoisasikomo re

I ha'labu apik hagato kolek, it a'nogo so warìk tùlem heise'ma 5 kilometer he a, 6 kilometer he a, walegat asi wagaukwa hak he, at Yesùt a'nogo esok i agùm obakwe hìlìk inoba higit horogat waganem, ineileken lakhìlìk inayùk apik agaike. Inayùk apik agaikomo re, at Yesùt en he, mel yogoisasike: “Nagoromi. An nebeat waga lagì. Halok, hinayùk agùp o,” ìlùk yogoisasikomo