Versículos Bíblicos Populares relacionados a LUKA 4

Compartilhar

Moya wa Morena o ho nna, kahobane o ntlotsitse; o nthomile ho bolella mafutsana Evangeli, ho fodisa ba pelo tse bohloko, ho bolella ba holehilweng hore ba tla lokollwa, le ba foufetseng hore ba tla boela ba bone, ho nea ba hloriswang sebaka sa ho ikela, le ho bolela selemo sa Morena se molemo.

Jesu a mo araba a re: Tloha ho nna, Satane, hobane ho ngodilwe, ho thwe. O tla kgumamela Morena, Modimo wa hao, o sebeletse yena feela.

Jesu a mo araba, a re: Ho ngodilwe, ho thwe: Motho a ke ke a phela ke bohobe feela, o tla phela le ke dipolelo tsohle tsa Modimo.

Jwale Jesu, a tletse Moya o Halalelang, a tloha Jordane, a iswa ke Moya feelleng.

Jesu a mo araba, a re: Ho boletswe, ho thwe: O se ke wa leka Morena, Modimo wa hao.

Eitse hobane Diabolose a qete moleko wohle, a mo tlohela, nako e nngwe e tle e be e fihle.

Yaba Diabolose o mo isa thabeng e telele, a mmontsha mebuso yohle ya lefatshe ka motsotso o le mong. Diabolose a re ho yena: Ke tla o nea borena boo bohle, le kganya ya mebuso eo, etswe ke di neilwe, mme ke di nea eo ke ratang ho mo nea. Mme jwale, wena, ha o kgumama pela ka, tsohle e tla ba tsa hao. Jesu a mo araba a re: Tloha ho nna, Satane, hobane ho ngodilwe, ho thwe. O tla kgumamela Morena, Modimo wa hao, o sebeletse yena feela.

Jwale, Diabolose a mo isa Jerusalema, a mmea hlorong ya tempele, a re ho yena: Ekare ha o le Mora Modimo, o itihele fatshe o le mona; hobane ho ngodilwe, ho thwe: O tla o laella mangeloi a hae, a o boloke; mme a tla o kgakeletsa matsohong a wona, hore leoto la hao le se ke la kgoptjwa ke lejwe. Jesu a mo araba, a re: Ho boletswe, ho thwe: O se ke wa leka Morena, Modimo wa hao.