Versículos Bíblicos Populares relacionados a MATIU 24

Compartilhar

Tulubo ta atwa ofwugwo ti zhɛ tu na kaana tugwulo ne ekwunyi, iwɛnɛ ti iyi iwɛ zhɛ na kaana ugombo. Ama bụtụ be elele na 'imɛ-isɛbwɛ uuwa i ci uce, ubwa ɛɛ zhɛ o bicingo.

Atwa zhɛ a ananga Unabarɛ ga Ubiye ụ Cɛnjɛ-ta-tugwama nu unyizo ga kpaaŋ, maa e le tiseyida no ofwo edenji elele, nazhɛ uce ibɛ u ci.

Hi zhɛ hia hwuga anabarɛ ajasa keeni erishi ajasa. Kede shihwulu shi hi horukono. I shɛ tilɛɛ maa ijɛ zhɛ ya ndangana kpaaŋ, ama tuba shɛ ukwunanga ibɛ ta o.

Udenji uko zhɛ wɛ hwɛyijɛ wa sukakana udenji unya; tugwama tu ko ti zhɛ tɛ hwɛyijɛ, ta sukakana tugwama ti nya; atwa zhɛ a ya-imunɛ, cɛnjɛ ti zhɛ to zhingotu no ofwo gembi ufwugwo. Ijɛ kpaaŋ ta shɛ umozhigo gana ụngwụ tumata.

Ta azuba, tu unyizo zhɛ a kashɛka kpaaŋ, ama n-ndumwa mi mi zha shɛ ma kashɛka kwukwuŋ.

Iwɛnɛ ta atwa ofwugwo zhɛ a zhajɛ hwuŋ ni izeci mi, ɛɛ zhɛ hiɛŋ, Gamba n shɛ ga Krast, ɛ zhɛ a inzhɛnga atwa ofwugwo.

Nazhɛ ɛɛ zhɛ mo hi sugo maa e hi peni ụbaụta, ɛ zhɛ ma hiɛ kwụna, edenji elele zhɛ mo hi imo iwɛ izeci mi. Ɛ zhɛ a nda rishe-tɛtɛtana ra atwa ufwugwo ukwurishi, ɛɛ zhɛ a layaga na aka ata, atwa zhɛ no momo songonu ne tidere; ɛɛ zhɛ no momo imonu. Egesere tukata ofwugwo zhɛ a banɛ, ɛɛ zhɛ a inzhɛnga atwa ufwugwo

Ge Jisus jishijɛ aŋ, bɛɛ hiɛŋ, No shiyono ma eshe, maa kede bụtụ be elele ihiɛ inzhɛnjɛ o.

Iwɛ ecilo ata, ahiɛba du na mama ima ma, iwɛnɛ ti Yɛu Bụtụ ye ci na auwa na ehi heŋshi shi.

Ibɛ po no shiyono ma eshe, iwɛnɛ te ehi mepi shi ụjita na Agwangwama hiŋ zhɛ a zhajɛ.

Ama i zasa bụtụ be elele na mepi ụjita ata kwo kaa auwa ata o, ta atumwa na namɛ na azuba, okwo Yɛu ni ikɛnyi ibwɛ, mepi shi du o, semi Bishi kiri mepi.

Iwɛnɛ ta akrast tukata keeni egesere tukata zhɛ a bala hwuŋ, ɛ zhɛ na ndangana iyi tudama i'wɛtwɛ keeni iyi ya arụhwajɛ, maa yaa shɛ e eri a inzhɛnjɛ okwo ta atwa na Agwatana go twolwo.

Gana na ti yaa namɛ la na aka Noa, gobwonu du tizhajɛ ti Yɛu Bụtụ ti zhɛ ta sha hwuŋ. Gana na ta atwa a ya la, aa swa, aa zana, aa pana tụmbụla, te meni ma ata mụ 'wụtụ mi te zhegeji shi, uuwa i ci aka na tu ga Noa teni nụ ụhaŋtụ ata ụ'wụtụ. E mepi shi, uuwa i ci aka na meni ma ata mụ 'wụtụ mu suji aŋ hwɛɛ. Gobwonu du yɛɛ zhɛ ya sha hwuŋ na aka tizhajɛ ti Yɛu Bụtụ.