Versículos Bíblicos Populares relacionados a YOHANE 6

Compartilhar

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.

Ka Jijingi A ne uma ye; iyol yô, ngi a inja sha ma kwagh ga. Mkaanem ma M er ne, ka jijingi man ka uma kpaa.

De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

Yesu gema kaa a ve er: Tom u Aôndo yô, ka u ne: Ka u ne na Un u A tindi Un la jighjigh.

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

Shimon Peteru gema kaa a Na er: Tere, ka hen an je shi sé zaa? Ka We U lu a mkaanem ma uma u tsôron ye.

Mo M ngu kwaghyan u uma u a sen sha la; aluer anti or nana ya kwaghyan ne yô, nana lu uma gbem sha won. Man kwaghyan u Me na yô, ka iyol Yam je, sha ci u uma u tar.

Ma or nana fatyô u gban van her a Mo ga, saa Ter u A tindim la, Una urugh nan; man Mo kpaa Me nder nan sha iyange i masetyô.

Gadia kwaghyan u Aôndo A ne yô, ka Un u A dugh Sha A ne tar uma la.

Mo M ngu kwaghyan u uma.

Tsô Yesu tôô ubredi mbala, sughun Aôndo yô, A tôô A kar mba ve tema inya la; shi er a ishu nahan kpaa, i na hanma or sha ishima i nan. Mba ye, ka kom ve cii yô, A kaa a mbahenen Nav er: Kohol nen avur a a shi la, sha er ma kwagh a̱ de saan ishe ga yô.

Mba nahan tso mba ze er umail utar shin unyiin nahan yô, ve nenge Yesu lu zenden sha zegemnger, kporom hen tso; tsô ve gba cian. Kpa A kaa a ve er: Ka Mo, de cie nen ga.