Versículos Bíblicos Populares relacionados a YOHANE 17

Compartilhar

Tsegha ve ken mimi, ka kwaghôron Wou je a lu mimi ye.

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

Man ka sha ci u mban tseegh M eren msen ga, kpa ka sha ci u mba vea va nam jighjigh sha kwaghôron u mban la kpaa, sha u ve cii ve̱ lu kwagh môm, er We Ter, U lu ken a Mo, Mo kpaa m lu ken a We nahan, sha u ve kpaa ve̱ lu ken avese; sha er tar u̱ na jighjigh er U tindim yô.

M ngu eren msen Mer: Kura ve shin tar ne kera ga, kpa M ngu sônon Mer kura ve sha ifer.

Man icivir i U nem la, M na ve, sha u ve̱ lu kwagh môm er se se lu kwagh môm nahan. Mo ken a ve, man We di ken a Mo, sha u ve̱ hingir kwagh môm vough yô; sha er tar u̱ fa er We U tindim man shi er ve doo U ishima er M doo U ishima nahan kpaa yô.