Versículos Bíblicos Populares relacionados a MAIKA 4

Compartilhar

Nalakena nalauna maga mamau puti euga wo surata nagisa ni sup̃e adeada sikasikai sarasara ra, ma nigida tuga wo surata nagisa ni Yehovah Sup̃e anigida pa pa ega tu du po du mau du.

Go nalauna laapa euga wo pano, po naga, Kuga umai, go tuga sake paki tava ki Yehovah pano, go paki nasum̃a ki Sup̃e ki Yakob; go nae ega wo pasa pisei ki gida nalo ni namariana aneana maga, go tuga wo surata usi napua aneana maga: nalakena nawotaeana ega wo dave m̃elu Sion, go navasaana ki Yehovah ega wo dave m̃elu Yerusalem.

Ma ega wo pakilina naaleatia edaku maga naga tava ni nasum̃a ki Yehovah ega wo pei tea lawoki‐laketoko‐ana nap̃au ni tava warua maga, go ega wo pei tea sikeana pakilagi liu tava sula maga; go narei maga euga wo sara paki asa.

Go ega wo pasap̃otae namawota ni narei laapa, go ega wo noap̃otae nalo ni nalauna kasua maga ni uvea; go euga wo duki lova adeada maga euga vei tea sisi natano, go naio adeada maga euga vei tea tagau p̃asi pakasa ki nakau: nalauna ega wo da moro sai lua lova dip̃a nalauna mau, go euga wo da moro atae navakalo mau.