Versículos Bíblicos Populares relacionados a MATAIO 3

Compartilhar

Nalakena tea wanogoe kuga tau ki nawa waina e p̃ia ki namidoakidoaana

go kuga leo, nadaleo sikai e dave nakoroatelagi umai, po naga, Tea waia e pei Natugu tea dodomiana aginau, waina a midoa ki m̃ata ki nia.

Go Yesu, ragi waina e pei tea bapetisoana sua, e sake pae noai m̃araverave: go kuga leo, nakoroatelagi e maneana pamawota, go e punusi Naata ni Sup̃e e do siwo dakiusi tokopea sikai, po do umai lawo asa

Kinau a bapetiso mu lomau ki noai paki namidoakidoaana: ma tea waina e edakugoro au umai e kasua liu au, a da p̃ia mau naga aga maneana dapetape nam̃elevasiana aneana maga: nae ega wo bapetiso mu ki Naatana Tapu go ki nakapu

Go ragi waia tagoto e pei tea toropusiana e one pisari nalake ni nakau maga one: nalakena tea wanogoe sara nakau waina e da dau ki nawa wia mau e pei tea taeana e dowo, po pei tea nadikiana paki nakapu.

Nalakena nae wanogoe e pei tea waina e pei tea noaana pae profeta Isaiah, e naga, Nadaleo ni tea waina e do pioso masop̃alo, Kuga marim̃ata ki napua ki Yehovah, Kuga mari napua doniana aneana maga euga leana.