Versículos Bíblicos Populares relacionados a MALAKAI 3

Compartilhar

Kuga tape kekerualima mamau umai paki ekopu ni nasum̃a ni natauakiana, naga navinaga ega toko nasum̃a tapu aginau, go kuga maridogo au asa, Yehovah ki taua maga e noa e, a pe ta manimu p̃olagati namata leo maga ni nakoroatelagi, po manimu ligiraki navasap̃iakiana sikai, waina ega wo p̃arua do liu.

Go aga wo manimu pasa kasua ki tea kani dinomi, go ega wo da mari sa ki nawa ni natano animu maga mau; go vaine animu ega wo da nadi ki nawana vusa maga vanua mau. Yehovah ki taua maga e noa e. Go nalauna maga mamau puti euga wo soso mu ki tea maropa: nalakena navanua animu ega vei tea wia go tea masauniana, Yehovah ki taua maga e noa e.

Go Yehovah ki taua maga e naga, Nara euga wo pei tea aginau, tea leom̃atakiana wia, naaleatia waina aga wo lawo ki nia; go aga wo mauti ra, dapala naata sikai e mauti natuna waina e do maneana suasua. Go ragi wanogoe kuga wo liliu po moro atae p̃otae tea leana go tea sigisigileo, go tea waina e do magi Sup̃e suasua go tea waina e da maneana suasua mau.

Kuga leo, a dip̃aki lua tea tautauana aginau pano, go nae ega wo mari m̃ata ki napua pea ki naraegu: go Yehovah waina ku laaga asa, ega wo m̃araverave umai paki nasum̃a tapu aneana; tea tautauana ni navasasokiana waina ku maro asa, kuga leo, nae ega wo umai, Yehovah ki taua maga e noa e.