Versículos Bíblicos Populares relacionados a GENESIS 9

Compartilhar

Tin, Pathian vêkin, “Hei hi kei leh nangni leh in hnêna thil nung tinrêng awmte kâra chhuan, tâwp nei lova awm zêlte tân ka thuthlung chhinchhiahna chu a ni. Chhûmah ka chhimbâl ka zâmtîr a, chu chu kei leh lei kâra thuthlung chhinchhiahna tûr a ni ang.

Tin, chhimbâl chu chhûmah a zâm ṭhin ang; tichuan, Pathian leh lei chunga tisa awm zawng zawng zînga mi, thil nung tinrêngte kâra kumkhaw thuthlung awm chu, ka hriat reng theihna tûrin ka en ṭhîn ang,” a ti a.

Tu pawh mihring thisen chhuahtu chu, mihring vêkin ama thisen chu an chhuah ve tûr a ni; Pathian anpuiin mihring a siam si a.

Tin, Pathianin Nova leh a fapate chu mal a sâwm a, an hnênah, “Chi tam tak thlaha lo pungin, lei hi luah khat rawh u.

Thil nung che thei tinrêngte chu in tân ei tûr an ni ang a; thlai hring ka pêk che u ang khân engkim ka pe vek a che u.

Nangmahni ṭihna leh hlauhna leia sa tinrêng leh chunglêng sava tinrêngin an nei ang; chûngte leh leia bawkvâka kal zawng zawng leh tuifinriat sangha zawng zawngte chu, in kuta pêk an ni vek tawh.

Tin, nangni chu chi tam tak thlahin lo pung rawh u; leiah hian fa tam tak hring ula, a chungah hian lo pung rawh u,” a ti a.