Versículos Bíblicos Populares relacionados a Matthew 28

Compartilhar

Altsīilth istiēdūlthā, waigen gwaigangē wautliwan kin lth skadadou, nung Aung kēyi ā īsken, nung kit kēyi ā ishin, nung Hānts Lās kēyi ā ishin ltha lth baptizdo: Waigen kin wautliwan alth dalung lth kingwoguns tumankānḡē ltha lth skadadowang, waigen kwoking dalung alth lth ishgīīsang, waikingān ed swaunungshang.

Waigen Jesus ltha an kātlāgang tlo hin ltha il shūtaiang, kin tagwia wautliwan shā tligē gu isis isken hētk tligē gu isis ishin dī ga istiāḡun.

Waigen anung angelgas hin lth chāadas shūtaiang: kum lth lthwauḡāngu: Jesus da dalung kingsa an di ūnshītung nung ltha zitokliskīdunā. Kum ādlun il isānḡung, il kātlūḡun althlā tliku il shouan kingānu. Halūto, tlītzan Shālānā tlēēwauḡun silī lth kingo.

Wadlu, Jesus hin il shūtaouang, kum lth lthwauḡāngu, Galilee tligē ā dī touilung istiēdalth wāla, waigen gai gu dī ltha kingasang.

Waigen ltha kiasi alth gwudā ltha idjan tlo ltha counsel gāḡang, waigen dālā kwan ga soldiergas gē ga ltha istaiang: Hin ltha shouan, lagagahatijanḡē halgwau il tlu kwolthtātlāḡun talung kāstalthā hin lth shūwanḡ. Waigen anung Governorgas ḵū ī adshi attawāsitlo il kwutungē wau talung kil saaskitashang, waigen dalung talung kagindāshang. Altsīilth dālā ltha istaiang, waigen tliku ltha ltha skadadaiang kingān ltha wauḡang: waigen ashgē giatlingē ashgē shantlanē gud Jew hāada shu kokgustlowaiang.