Versículos Bíblicos Populares relacionados a Luke 5

Compartilhar

Waigien tlistleuon tlan il gushouondlu, Kotga lthdling-gai ā lth tlū-kusi, waigien chān ga āade ung-a isdi, dung āadie una, hin Simon il shudaian.

Nung itlagadas, al shoshgu talung āadagun, waigien gum gin talung ḵutliidang-gun; waikianan tliku dung shūs ging-an chān ga āade ung-a lth isdāashang, waigien hin Simon hanglthang shouon. Waigien tlistleuon hin il wau-awondlu, shkolthung kwon-euon il chitlāwon, waigien āade lang-a adsilthidawon

Waigien tla sta tligunltha ā il kaidan gien, singlthgang il gushouon.

Gum ga lasgai un ai-ing-ai un lth ka-tla-ang-gung; ga dāung-asgai gudung-ung stīlthdie un ū lth katlang, hin tla il shudaian.

Waigien tlistleuon Simon Peter kang-andlu, Jesus kwolū hetgu il tīgūstlū-aian, Shalana, di sta lth kaid, nung īlthing-a dāung-a di isis altha, waigien hin il shouon.

Waigien Jesus hin hanglthang tl shudaian, Ga althinsgai ū gum tla nung tl-ligal-lēgas ga stalthagung-ung-gung; ga stisgai tlou ga stalthagung-gung.

Waigien tlistleuon kontlue dit-gwī ga ung-a il isdāwondlu, gin wautliwon il tlistlāawon gien, la dlā il istiidāwon.

Waigien hawun ilnagai swon gu il ijundān, nung īlthing-a leprosy alth stāūgāgan gu ijan; waigien tlistleuon Jesus il kang-andlu, il tīgūstlūaian gien, la ā singlthgang il gushouon, Shalana, dung gwūlasdlu di dung tlashkwunagal-lthing-āgung, waigien hin il shouon. Waigien stlang il jistlaian gien, la ing-gu il tl-dulthdaian, Di gwūlāgung; shkwunagul-ltha, waigien hin il shouon. Waigien hawīdan leprosy-gai la sta gūēlan.

Waigien wautelg āgwī la alth gialthing-e king-ā-kokūstlu-aian; waigien tl shkūl-euon il kil gudung-ai un isgien, tla il tl-ligulai un ishin, gudā ijan.