Versículos Bíblicos Populares relacionados a San Mateo 1

Compartilhar

Say i‐anak to ali, daki et say ingaran mo son si‐kato, Jesus (ja say olog to, mengisedakan), ta si‐kato diy mengisedakan ira nonta too to say eg ira meshosa pangkep ni basol sha.”

ja kowan to ey, “Wara aliy balasang ja enshiy dakin en imaro‐arol so, nem on‐anak ali. Say i‐anak to ali, daki jet say ingaran sha so nontan na i‐anak to ali, si Emanuel.” (Say olog niyay ya ngaran shi esel ira ni Hodiyos, “Si Apo Shiyos, ẃara son si‐katejo.”)

Nem idi sajay i toka nemnemnema ja kowan to ey dag‐en to, nanpa‐sas i anghil nen Apo Shiyos shi kokokip to, ja kowan nonta anghil son si‐kato ey, “Jose ja poli nen Ari David, kareka manshanag ja mengesawa so nen Maria, ta sama dokon to, Ispirito Santo nen Apo Shiyos i engi‐jan so.

Iyay i shoki‐an ni inkay‐anak nen Cristo. Nonta aneng pay laeng nga may‐enak si Cristo, si Maria ja mengi‐nak ali son si‐kato, naykari ja esaw‐en nen Jose. Jet si Maria, nonta eg ira pay laeng nan‐aseẃa nen Jose, na‐amta‐an ey malokon. Nem sotan na dokon to, in‐iyan gayam ni Ispirito Santo nen Apo Shiyos. Nem si Jose ja naykarin mengesawa so nen Maria ali, kowan to ey eg to itoloy ya esaw‐en si Maria. Nem piyan ton dibas i pesing ton mengisi‐jan, ta eg to koston mebebaingan si Maria. Si Jose, na‐anos sa daki, isonga sajay i kowan to ey pesing to.