Versículos Bíblicos Populares relacionados a yohane 15

Compartilhar

<zou evi no amcuyu a'o; zou ehtisi na muu. nala asngʉcʉ cmunghu a'o, ho a'vinano mi'o maezo asngʉcʉ cmunghu, 'ate ahtuo'te na'no yʉho'a; maica hoci uk'a a'o, cuma nantemu peelʉi hioa.

temula asngʉcʉ cmunghu a'o, te'oeno asngʉcʉ cmunghu muu. hoci o'te cmunghu a'o, o'ana temu meelʉ beahci, aʉlʉ mais'a 'o ehti hoci o'te cmunghu to evi to amcuyu totiski o'ate meelʉ beahci.

honcimu asngʉcʉ cmunghu a'o, 'e e'e'u maezo asngʉcʉ no'ayumonʉ no 'tohʉngʉmu, upena hocimu m'ene no cuma, hoci m'ene, ahtuo'te m'elʉ.

o'as'a muu namo epei a'o, ma a'o namo epei muu, a'vinano os'o skuna muu ho poa beahci note no'auesiesi ci beahci. temu boemi ta ongko'u, 'upena hocimu mi'usnu to amo'u ho m'ene no cuma, 'atesi ahta o'te pafeni muu.

'e cou hoci nomio no nanghia ho ciha na nsou, na himngonghi ta hpʉhpʉngʉ uk'a na cite taunona'vʉhe tan'e.

i'omo afu'u cmunghu a'o ho o'te beahci ci ehti, tesi skoonva; namo meelʉ beahci ci ehti, tesi skoʉlʉlʉa, poa asuhca yʉho'a.

temula yupa himngonghi, totiski ho la'u ngohia muu; na eni zou mashʉyʉ'u.

'o amo'u te i'mi ho cimu yoyʉho'a ho psoevohngʉ, temu maezo i'mi tan'e ho ta'upa no tesi'u.

<zou amcuyuaʉlʉ a'o; leyaezoi 'o amo'u.

nate o'te mimho cmunghu a'o ci cou te noa ciha, mais'a 'ola oemi'mi ci ehti ho ciha, poa patmʉtneni no cou ho to'seni to puzu ho hmoi.

<ho os'o eʉsvʉta muu 'emo maica ci hi'hioa, te akoeva no poa elʉ to kokaekaebʉ'u, poa tmoengʉcngʉ na kokaekaebʉmu.

hocimu noyʉci 'e mashʉyʉ'u, temu meelʉ asngʉcʉ yunsou no 'ayumona no himngonghi'u, mais'a ho la'u noyʉci 'o lasi pashʉya to amo'u, ho asngʉcʉ no'ayumonʉ to himngonghisi.

temula yupa himngonghi; 'aeno eni 'e te'o faeni muu ci mashʉyʉ.>

honcimu tma'usnu ta hpʉhpʉngʉ, 'e hpʉhpʉngʉ 'atesi ahta o'te ngohia 'emo tma'usnu ta iachi. at'inghi, os'o i'mi ta hpʉhpʉngʉ ho epeiya muu, o'ana mimu tma'usnu ta hpʉhpʉngʉ; ko'ko ihe sʉ'nova ta yatatiskova muu.