Versículos Bíblicos Populares relacionados a Matteu 6

Compartilhar

Dunque circate prima u Regnu di Diu è a so ghjustizia, è tuttu què vi serà datu in soprappiù.

Dunque ùn siate in penseri per dumane, chì dumane pigliarà penseri a di per ellu. À ogni ghjornu bastanu i so guai.»

«Hè perciò ch'o' vi dicu: ùn abbiate penseri per a vostra vita, per ciò ch'è v'avete da manghjà – o da beie –, nè mancu pè a vostra persona, cum'è v'avete da veste la. Ùn hè, a vita, altru è più chè a manghjusca, è a persona altru è più chè a vestitoghja?

Ma tù quand'è tù prechi, entri ti ne in camara, serra a to porta è preca u to Babbu chì stà in u secretu, è u to Babbu chì vede in u secretu a ti renderà.

«Voi dunque pricate cusì: Pater Nostru, chì stai in i celi, ch'ellu sia santificatu u to nome, ch'ellu venghi u to regnu ch'ella sia fatta a to vuluntà in celu cum'è in terra.

U pane chì ci abbisogna, dà ci lu oghje

è togli ci i nostri debiti cum'è no l'avemu tolti à quelli chì ci devianu.

È ùn ci purtà micca ver di a tentazione, ma franca ci da u male.

Chì s'è vo perdunate à l'omi e so manchenze, à voi dinò vi perdunerà u vostru Babbu di u celu.

Fighjate l'acelli di u celu: mancu facenu suminera nè sichera, più pocu ammansanu in i granaghji, è u vostru Babbu di i celi li dà a pruvenda. È ùn site voi, altru è più chè elli?

«Ùn ammansate tesori nant'à a terra, chì veneranu a camula è i vermi da fà li infracicà, è i ladri chì rompenu è chì arrubanu. Ma ammansate tesori in celu, chì ùn ci hè nè camula nè vermi da fà li infracicà, è mancu ci hè ladri chì rompenu è chì arrubanu. Chì induv'ellu sarà to tesoru, custì dinò ci sarà u to core.»

«Ùn pò esse nimu u servu di dui patroni, chì à unu li purterà l'odiu è à l'altru u tenerà caru, osinnò hà da affezziunà si à unu è disprezzà l'altru. Ùn pudete esse servi di Diu è di u soldu.»

Sì Diu veste cusì l'erba di a campagna chì oghje ci hè, è dumane hà da esse lampata in lu fornu, vulete ch'ellu ùn fia altru è tantu per voi, o ghjente di poca fede?

È quand'è tù fai tù a limosina, ch'ella ùn sappia a to manu manca ciò ch'ella face a dritta in manera ch'ella sia secreta, a to limosina, è u to Babbu chì vede in u secretu, a ti renderà.»

«Attenti d'ùn fà ciò chì hè ghjustu davant'à l'omi, per fà vi vede da elli, chì osinnò paca ùn ne averete ind'è u vostru Babbu chì stà in i celi.

«È quand'è vo farete u dighjunu, ùn siate micca cum'è i falzi musi longhi, chì storcenu u grunghju da fà vede à l'omi ch'elli facenu u dighjunu. Da veru a vi dicu: a so paca l'anu. Ma tù quand'è tù faci u dighjunu, assesta ti u capu è pulisciti ti a faccia, di modu à ùn fà vede à l'omi u to dighjunu, ma ch'ellu u vega u to Babbu chì stà in u secretu, è u to Babbu chì vede in u secretu, a ti renderà.»