Versículos Bíblicos Populares relacionados a Juan 16

Compartilhar

Ginsugiran ko kamo sini, agod may paghidait kamo paagi sa akon. Ang kalibutan magapaantos sa inyo, pero magpakaisog kamo! Gindaog ko na ang kalibutan!”

Pero kon mag-abot ang Espiritu nga nagapahayag sang kamatuoran nahanungod sa Dios, sia magatuytoy sa inyo sa bug-os nga kamatuoran. Ang iya ihambal indi iya, kundi magasugid sia sa inyo sang iya nabatian, kag magapahayag sia sang mga butang nga palaabuton.

Tubtob karon wala pa kamo makapangayo sang bisan ano sa akon ngalan; pangayo kamo kag kamo magabaton, agod nga ang inyo kalipay manginbug-os.

Pero nagasiling ako sa inyo sang matuod: mas maayo para sa inyo nga maglakat ako, tungod kay kon indi ako maglakat, ang Mananabang indi mag-abot sa inyo. Pero kon makalakat ako, dayon ipadala ko sia sa inyo. Kag kon mag-abot sia, ipakilala niya sa mga tawo sang kalibutan nga nagsayop sila nahanungod sang sala, sang katarungan, kag sang paghukom sang Dios.

Amo man ini sa inyo: kamo nagakasubo karon, pero magapakigkita liwat ako sa inyo kag ang inyo mga tagipusoon mapuno sang kalipay, ang sahi sang kalipay nga wala sing may makakuha sa inyo. “Kon mag-abot ina nga adlaw, indi na kamo magpamangkot sa akon sang bisan ano nga butang. Nagasiling ako sa inyo sang matuod: ang Amay magahatag sa inyo sang bisan ano nga inyo pangayuon sa akon ngalan.

Nagasiling ako sa inyo sang matuod: kamo magahibi kag magapanalambiton, pero ang kalibutan magakalipay. Kamo magakasubo, pero ang inyo kasubo pagabayluhan sang kalipay.