Versículos Bíblicos Populares relacionados a Maka 8

Compartilhar

Ura asa sapu ruritia sa nana tinoa si kaqu siana nia sa si asa. Ba asa sapu lopu ruritia sa nana tinoa pa linuliqu Rau pude tozia sa Inavoso Leana, si kaqu vagia sa sa tinoa hola.

Na lineana sa si kote va gavoria sa tie, be hiva tago ia sa sa doduruna sa kasia popoa ba siana nia sa sa nana tinoa? Namu loketoṉa hokara!

Meke tioko mae nia Zisu koa Sa sa vinarigara lavata, meke sari Nana disaepeli, meke zamai Sa, “Asa sapu hiva luli Au, si mani lopu ruriti sari doduru nana ginugua soti telena; mani ovulu palekia nana korosi, meke luli Au.

Loketoṉa si kote boka holu nia sa pude vagi pule nia sa nana tinoa. Be keke tie koasa sinage kaleana, na va gugue hie, si kurekure Nau si Arau, meke sari Qua zinama, si kaqu kurekure nia tugo sa Tuna  d na Tie si asa, pana mae si Asa koasa tinolava ṉedalana tanisa Tamana, somanae koari na mateana hopedi.”

Meke nanasi Sa si arini, “Ba gamu si vegua? Esei balabala Nau gamu si Arau?” Meke olaṉa se Pita, “Agoi tugo sa Karisito,” gua si asa.