Versículos Bíblicos Populares relacionados a Maka 5

Compartilhar

Meke zama la koa sa se Zisu, “Tuqu, sa mua rinaṉeraṉe si ele salaṉigo. Mu lopu talotaṉa, mu taloa pa binule, ele ta salaṉa si goi koasa mua tinasuna,” gua si Asa.

Koanana si keke barikaleqe sapu kamoa minoho tana barikaleqe, meke koa ta sigiti si asa ka manege rua vuaheni. Soku tie salaṉa si ele dogori sa, meke doduru nana poata si ele tabarani sa koa rini, ba si kaleana nono latu sa minoho koa sa.

Meke totoso tiqua sa sa Nana poko, si ta salaṉa mo sa nana minoho, meke va nonoga ia tu sa pa korapa tinina, sapu ta salaṉa si asa koasa nana tinasuna.

Taṉinia Sa limana sa koburu meke zama ia Sa si asa, “Talitha, koum,” gua. Sa ginuana si, “Vineki hite, zama igo Rau si goi, mu tekulu!”.

Sipu korapa zama koasa barikaleqe se Zisu, si mae kamo mo si kaiqa tie, pu taluarae mae guadi pa vetu te Zaerasi, meke tozi nia rini si asa, “Sa tumu vineki si ele mate tu, ke mu lopu va tupitia pude va mae ia sa Titisa,” gua si arini. Ba lopu va gunagunana ni Zisu sari dia zinama, ba tozi nia Sa se Zaerasi, “Mu lopu matagutu, ba mu va hinokara mo,” gua si Asa.

Ura ele zama ia tu Zisu si asa, “Tomate kaleamu, mu vura taloa koasa tie hie!” guni nia Sa. Meke nanasia Zisu si asa, “Esei sa pozamu?” Meke olaṉa sa tie, “E Rerege sa pozaqu, sina na soku mami si gami!” gua si asa.