Versículos Bíblicos Populares relacionados a Matiu 5

Compartilhar

Loke tie si va katua sa zuke meke va opo tamunu nia lolu, ba kote va hakea sa si asa pa hakehakeana, pude va kalalasi sari na tie pu koa pa vetu. Gua tugo si gamu, mi vata dogoro nia koari na tie sa mia kalalasa pa korapadi rina mia tinavete leadi, pude madi vahesia sa Tamamia sapu koa pa Maṉauru.

Gamu tugo si na kalalasa koari na tie pa kasia popoa. Sa popoa sapu ta kuri pa batu toqere si lopu boka ta tome.

Tamanae tugo saripu via pa bulodi, ura arini tugo si kaqu dogoria sa Tamasa.

Tamanae tugo saripu ovia na memeha nia sa tinoṉoto, ura kaqu vagia rini gua sapu okoro nia rini.

Ba kamahire Maqu tozini gamu sapu guahe: Mi tataru ni sari na mia kana, mamu varavara toka ni saripu ṉoṉovala gamu.

“Tamanae tugo sari na tie sapu malohoro pa dia tinoa maqomaqo, sina tadirini tugo sa Binaṉara Maṉauru.

Tamanae tugo saripu varibule ni sari na tie, ura kaqu poza ni tuna soti sa Tamasa si arini.

Tamanae tugo sari na tie pu talotaṉa, sina kaqu va manoti Tamasa si arini.

Tamanae tugo saripu ta ṉoṉovala sina tavetia rini sa hiniva te Tamasa, ura tadirini tugo sa Binaṉara Maṉauru.

Tamanae tugo saripu tataru ni meke taleoso ni sari votiki tie, ura kaqu tataru ni, na taleoso ni Tamasa si arini.

Tamanae tugo si gamu pana zama ṉoṉovala gamu ri na tie, meke zutu kokohani gamu rini koari doduru ginugua pa mia linuliqu Rau. Mi koa qetuqetu, sina noma hola sa mia pinia pa Maṉauru, ura ṉoṉovala guni tugo rini sari na poropita pukerane.

Tamanae tugo saripu va pepekae puleni pa dia tinoa, ura kaqu na dia tinago sa popoa pepeso.

Gamu tugo si na soloti koari na tie pa kasia popoa. Ba pana murimuri sa liṉiliṉina sa soloti si lopu kaqu boka tava leana pule si asa, pude ta tavetavetae; ba padana pude ta gona palae mo pa sada meke ta neti pa tie.

Mi koa va gotogoto, gua sapu koa va gotogoto sa Tamamia pa Maṉauru.

Ba mamu zama gua mo hie: ‘Uve’, mu gua mo, ba be ‘Lokari’, mu gua mo. Pude kaiqa zinama pule si tomo lani goi si koe Setani maedi si arini.

Ele avosia mia gamu sa vina tumatumae pukerane sapu zama guahe: ‘Pude sekea keke tie kali matamu, si mu sekea tugo kali matana. Meke be seke pakogo sa, si mu seke pakoa gana tugo,’ gua. Ba kamahire Maqu tozini gamu sapu guahe: Mu lopu tubehe hobe ia sa tie kaleana. Be poharigo keke tie kali paparamu, si mamu liṉana la nia pule si keke kalina.

Ke be la sa kali mata mataomu meke turaṉa la nigo pa sinea, si mamu lobiti pania. Leana hola pude keke kukuru tinimu si ta okipalae pude lopu sa doduru tinimu si ta okie la pa nika pa Heli. Be sa kali lima mataomu si turaṉa la nigo pa sinea, si mamu gomu pania. Leana hola si pude keke kali limamu si lopu koa, hola nia si pude lopu sa doduru tinimu si ta okie la pa nika pa Heli.