Versículos Bíblicos Populares relacionados a Jenesis 7

Compartilhar

Aia, God nia ka fata Ꞌuri fuana sa Noa, “KaidaꞋi neꞋe naꞋa ꞋaeꞋo faꞋinia na Ꞌafe Ꞌoe ma na ngela koroꞋo ki, muke leka naꞋa saena na faka neꞋe, osiꞋana nau ku lisia ka sui naꞋa, taꞋi ꞋaeꞋo goꞋo neꞋe Ꞌoko ꞋoloꞋolo liu ka liufia na ngwae ki saena magalia neꞋe.

ꞋIu na kafo neꞋeri fungu nama Ꞌana ꞋunaꞋeri ka leka sulia taꞋi talangaꞋi asoa ma lima akwala asoa.

Ana ruana madamo ana akwala asoa ma fiuna asoa ana faꞋi ngali neꞋe sa Noa nia dao naꞋa ana ono talangaꞋi faꞋi ngali ki, na kilu kafo ki saena ano neꞋe niꞋi ka Ꞌifi, ma kafo ka luluasa maꞋi ka doe, ma maꞋe uta doe ki ka toꞋo maꞋi.

Ru ki taꞋifau neꞋe toꞋo ana mangoꞋi ru ki neꞋe kira tua ana magalia nini God saungaꞋinida, kaidaꞋi neꞋe nia kuruda, ma kira ka mae taꞋifau naꞋa. Ngwae ki taꞋifau faꞋinia ru ꞋaeꞋaela ki taꞋifau ma na ru angoango ki fafona ano neꞋe ma faꞋi noꞋo ki taꞋifau, God nia malingaꞋinida taꞋifau naꞋa. Sa Noa goꞋo faꞋinia luꞋuluꞋua nia, ma ru ki taꞋifau neꞋe tua faꞋinia saena faka doe neꞋe goꞋo neꞋe kira mauri.

Ma na uta neꞋeri ka toꞋo toꞋo leleka ka dao ana fai akwala asoa ma fai akwala rodo.