Versículos Bíblicos Populares relacionados a यॊहनस 5

Compartilhar

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

येसुस आसिन बिड़िरका ईरियस, अरा नगदे उल्‍ला ती एन्ने बिड़िरका दसन अक्‍खस ती, आसिन मेंजस, “नीन कोड़े मना बेद्ददय का?”

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई। अन्नु हूँ आ उज्‍जनन ख़क्‍खा गे नीम एंग्‍है गुसन मल बरदर।

ख़ने येसुस आसिन बाचस, “चो'आ, अरा निंग्‍है पिटरिन चॊद'आ ती ऎका।” आ बारिम आ आलस कोड़े मंजस केरस, अरा तंग्‍है पिटरिन होच्‍चस ती कुद्दा नुंगा हेलरस। लिकिन ईद मंजका उल्‍ला ख़न्‍न ऎख़ना उल्‍ला रहचा।

औंगे येसुस आरिन इदन फरीफरी तिंगियस, “ऎन निमन मानिम ब'अदन, ऎन धर्मेसी ख़द्दन एंग्‍है मने लेक्‍खा एन्‍द्रा हूँ नना पोलदन। एन्‍द्रन एम्‍बासी नन्नन ऎन ऎरदन अदिन लेका ऎन नन्‍दन। एन्‍द्रन एन्‍द्रन एम्‍बस नन्‍दस अदिन ऎन हूँ अन्नेम नन्‍दन।