Versículos Bíblicos Populares relacionados a Salamo 139

Compartilhar

Ka akameitaki au ia koe, e mea mataku e te taka ke oki toku anga angaia: e mea vavaria taau au angaanga, kua kite pu tikai oki toku vaerua.

E unuunumou mai koe iaku, e te Atua, kia kite oki koe i toku ngakau; e timata mai iaku, e kia kite koe i toku manako: E akara mai i te aerenga kino e vai nei i roto iaku nei, e e arataki koe iaku i te arataa e tika i te vai marie anga te meitaki ra.

Naau i anga i to roto iaku ra: naau i tapoki iaku i roto i te kopu o toku metua vaine ra.

Kua kite oki to mata i toku tu, i toku vai oti kore anga ra; e kua tataia toku au melo katoa, i te au rā katoa i te rave angaia, e kare ua tetai i taua au mea ra i oti.

E IEHOVA, kua unuunumouia au e koe, e kua kitea oki au.

E aere tika au nei kiea e ngaro ei i to vaerua? e rere tika au kiea e ngaro atu ei i to mata?

Kua kite koe i toku noo anga ki raro, e toku tu anga ki runga; kua kite koe i toku nei manako i te atea ke.

Kare rava oki e tuatua o roto i toku vaa, i toe i te kitea puia e koe, e Iehova.

Kua unuunumou tikai koe i toku aerenga e toku moe anga ki raro, e kua kite koe i toku au aerenga katoa nei.