Versículos Bíblicos Populares relacionados a Maseli 2

Compartilhar

Ko Iehova oki tei oronga mai i te pakari: no roto i tona vaa te kite e te karape.

E TAKU tamaiti, kia āriki mai koe i taku nei tuatua, e kia vaio marie i taku au akauenga ia koe; Kia ariu mai koe i to taringa ki te pakari, e kia kimi marie to ngakau i te kite ra; Kia kapiki nui koe i te kite, e kia akateitei i to reo kia rauka te kite ra; Kia kimi pu tikai koe iaia mei te ario ra, e kia makitoro marie koe iaia, mei te apinga uunaia ra: Ei reira koe e kite ei i te mataku ia Iehova, e e rauka ia koe te kite i te Atua.

Te vaoo ua ra aia i te ora no te aronga tiratiratu; e paruru aia no te aronga aerenga apa kore ra. Ko tei tapapa i te au mataara o te tuatua-tau ra, te tiaki ra oki aia i te aerenga o tona ra aronga tapu.

Na te aronga tiratiratu oki e noo i te enua, e te aronga apa kore te ka akatinamouia ki reira; Ka tipu keia ra te aronga kino i te enua nei, e te aronga rave ara ra, ka kiriti tumuia ïa.

Kia ora oki koe i te vaine ke ra, i te akaturi, nana te tuatua taparu; Ko tei akatitima i te tiaki iaia i tona ou anga ra, e kua ngaropoina iaia te koreromotu a tona ra Atua.