Versículos Bíblicos Populares relacionados a Filipikaw 2

Compartilhar

Aw kana foyi kɛ janko ka sanga ɲɔgɔn ma, walama ka aw yɛrɛ bonya gbansan; nka aw ye aw yɛrɛ majigi ka tɔw fisaya ni aw yɛrɛ ye. Sani aw ye aw yɛrɛ dɔrɔn ta nafa jate, min bɛ se ka tɔw nafa, aw bɛɛ kelen kelen ye o le jate.

Miiriya min tun bɛ Yesu Kirisita fɛ, aw y’a to o miiriya kelen ye kɛ aw fana fɛ

«Ale ni Ala cogo bɛɛ tun ka kan. Nka a ma o ko ta ka nɔrɔ a ra, ko a bɛ a yɛrɛ kaɲa ni Ala ye jagboya ra. Nka a ka o bɛɛ to yi, ka a yɛrɛ kɛ i ko jɔn, ka a yɛrɛ kɛ i ko mɔgɔ tɔw. A ka a yɛrɛ kɛ mɔgɔ tɔw cogo ra. A k’a yɛrɛ majigi, ka Ala kan mina, ka sɔn hali saya ma, gbengbenyiri* ta saya yɛrɛ.

Sabu Ala yɛrɛ le bɛ a ta baraka don aw kɔnɔ, k’a to aw ye sɔn, ani k’a to aw ye se ka a sago kɛ, ka kaɲa ni a yɛrɛ ta latigɛri ye kanuya ra.

O kosɔn Ala ka a kɔrɔta k’a sigi fɛn bɛɛ kunna, ka tɔgɔ di a ma, tɔgɔ min ka bon ni tɔgɔ bɛɛ ye, janko ni Yesu tɔgɔ fɔra, danfɛn o danfɛn bɛ sankolo ra, ani dugukolo kan, ani dugukolo jukɔrɔ, o bɛɛ ye o kinbiri gban k’a bato. Mɔgɔw bɛɛ y’a lɔn ka a fɔ o da ra ko Yesu Kirisita ye Matigi ye, ka nɔɔrɔ la Fa Ala tɔgɔ kan.»

Aw ye fɛn bɛɛ kɛ, a kana kɛ ni kumamisɛn ye, walama sɔsɔri, janko aw ye kɛ mɔgɔ jarakibariw ye, ani mɔgɔ jusukun gbɛninw; aw ye kɛ Ala denw ye, jarakiyɔrɔ tɛ minw na bi mɔgɔ nanbaratɔw ni a mɔgɔjuguw cɛ ra; aw ye kɛ yeelen ye o mɔgɔw cɛ ra dunuɲa kɔnɔ ka manamana i ko lolow.

Ayiwa, ne balema kanuninw, i n’a fɔ aw ka ne kan mina tuma bɛɛ, o ra, Ala ka aw kisi min kama, aw ye jija k’a to aw ta tagamacogo ye bɛn ni o ye, ka siran Ala ɲa, ka a bonya; a kana kɛ dɔrɔn wagati min na ni ne bɛ aw cɛ ra, nka hali ni ne tɛ ni aw ye.