Versículos Bíblicos Populares relacionados a Génesis 3

Compartilhar

Ko thi nchrii bikon ixin thuchjuiin ntha anto chrjuin te tho ko nchao rune tho, ko juinao rugayee juaxraxauen Ndo Dio. Ko jañaa kunchrijin naa tho ko juine tho. Ko kai bajon tho ngain xixiꞌi ko jeꞌe xa juine xa tho kai.

Aro kunchee icha bakinxin ba ke kain kuxiigo binchechjian Nchaa ná Dio, ko naa nchaꞌon kunchee ndachro ba ngain thi nchrii: —¿A ko ndua ndachro Ndo Dio ixin chroꞌa sinthe ra thuchjuiin kain nthaa jii ngain Edén jiꞌi?

Ko jaꞌan sinthaꞌa ixin thi nchrii ko jaꞌa runingakuꞌen choo ra ko sinthaꞌa ixin runingakuꞌen choo xaꞌan ra kain nchaꞌon. Ko naa thi sachrjeninxin nchra sincheniꞌi jaa ko jaꞌa sincheniꞌi chreen ruthee.

Ko ndachro Ndo ngain thi nchrii: —Ko jaꞌa tangi sathuꞌe ko tsiin are sinchekunkjiꞌi xaꞌan, ko maski jamee, jaꞌa icha sinao sariꞌi ngain xixiꞌa, ko jaꞌa sincheꞌe kain thi tsethuꞌan xa.

Ko anto suji xra sincheꞌe ko ndachjian sachaxin thi sinthe ruxethjaja nchaꞌon rukjan ngain jinche. Xraxaon ixin jinche kunchjianxin ko ngain jinche rukjan.

Ko ngain thi xii ndachro: —Ixin bithikaon thi ndachro chriꞌa ko juinthe thuchjuin jaꞌan ndathjo runtheꞌa, nunthe jiꞌi isinthanchaonꞌa nunthe ixin thi jaꞌa bincheꞌe, ko anto tsunchrjen ko tangi sinchii thi sinthe kain nchaꞌon sarichon.

Kuthejan Ndo Dio banchiangi Ndo: —¿Kensen ndathjo ixin xruꞌin luntho ringaꞌa? ¿Ajuinthe thuchjuiin nthaa ndathjo ixin runtheꞌa?

Ko jañaa Nchaa ná Dio bantsjexin ngain Edén thi xii ko thi nchrii. Ko bakeꞌe Ndo ngain Edén nu thi chrinxin nchaꞌon kainxion ángel kerubín ko kai bakeꞌe naa chia taade jitjama xruꞌi ko bakji chia ko bakjan chia ixin rukunchienꞌa na̱ ngain ntha thuchjuin nchegechon ni kain nchaꞌon.

Ko Adán binchegiꞌin chriꞌi Eva, yaa ruchro ixin jeꞌe tsji janaꞌa ngain kain chujni sechon ngataꞌa nunthe.