Versículos Bíblicos Populares relacionados a Luk 23

Compartilhar

Yesus ayo bomda Aalap God ayo beten kamaan-bam bokola-lomda: Atok kapyo, mep kalawiili babon-bam maaklo kanup-nambip kemin, kaami kalan kabak-ata, angtiil yol kaa kuuyila-yaamin disa; imi uluum kulaa kukan-tiiyan o, kala kanum bakayila ko. Kulaa, soldiya iyo Yesus ami ilim kaali, kuluu kutii-bomdipla tuum katip saatu iyo kulaalup tam aba daak aba ke-bam, kanta ata ata ke, Yesus ami ilim ayo kuluula kala, kalalup utamum o, kala-lomdip Yesus ami ilim namti kabaanulip disa kelaya

Yesus asiik bokola-lomda: Nami tifan tituun eng kaata-kup bokop-tokomi kemin, weng selan! Kamala kulaali, Baladais o, kala abiil tikiin kaali, kapso naso alep ilokomup o, kala Yesus ayo kanum bokola ko.

kulaa fal-siki-lom Yesus ami bokola-lomda: Yesus, kapyo, kapni king ke-lom unang tunum imi tiin molokomap kaali, nami aket uyo fukun-ilomdap dong dokop-nan o, akale

kulu Yesus ayo dukum-kup aalap naan-bam bokola-lomda: Atok kapyo, nami sinik kalawaali, kuyak Atok kaltapni sikil diim tiili no, kala-lomda Yesus ayo saakna ko.

mukun ma tola bombe kaptam-ali Mukun Dabaal Kun Tap o, kalbip kaptamu tam-ilomdip soldiya iyo Yesus ayo kulaata dabak as diim daa sil biki-lomdip dabuu dafole, kuno tunum fuut tabin tunum alep ma yakal yim-bital yim-bak as diim daa-lomdip, ma ata dap Yesus ami tiing tuplo kawu dip-tam diibip-kup, ale ma kaata awaanlo kawu dip-tam dii keya-lomdip yim-tiilipla

Atan uyo tal dibimnule, tawaal kaali alik malang tinilu bom ilala, lotu am diilim kaptam-ami ilim sakbaalim dukum ma kuu diilip God ami abiin anung awem katiilip laabu uyo, dabom kaptamu tikip-kup biki kutal daak daalale, God ami abiin awem uyo ku-fatap-daalale, atan sinik ayo tal 3 kilok asuum diim talale kawu, am asuk daanala

Saaknale, soldiya 100 imi tiin molin tunum akal atama yi, Yesus ali kanola taana kala, kalale, God ami win ayo kufon-bam ale bokola: Yak tunum kalawaali atin ti tutuun-kup tabin tunum o, kala ko.