Versículos Bíblicos Populares relacionados a Genesis 9

Compartilhar

Nalunaiñŋutausaġlugu isuksraiḷaamun inniaqtuaq sivunniun inillaktaġa ilivsiññun suli iluqaiññun iñuggutiqapayaaqtuanun, iḷisiruŋa pimñik tulimmaġmik nuviyanun. Nalunaiñŋutauniaqtuq sivunniutigiramnun nunamun.

Tulimmaq nuituaqpan nuviyani, tautugniaġiga aasii itqaġlugu taimuŋa inniaqtuaq sivunniuġun uvamniñ suli iluqaiññun iñuggutiqapayaaqtuanun nunami.

Iñuich savaaguŋarut irrusiqaqługich God-itun, tavraasii iñuaqtuaq iḷaŋannik tuquttaksraġigaa allam iñuum.

God-im quviasaaġusiamik uqallautiŋagaich Noah-lu iġñiŋiḷḷu uqallakłuni, “Iñugiaktuanik miqłiqsiyumausi, kiŋuvaaġiniaqtasi iñuuyumaut sumipayaaq nunami.

Niġrutipayaurat niġiyumiñaġisi. Niġisuuravsitullu nauriatun, iluqaisa qaitkitka ilivsiññun niqigitquvlugich.

Iluqatiŋ niġrutit, tiŋmiat, paamġuqtuat nunami, iqaluiḷḷu iñuuniaqtut iqsigilusi. Tavra qaisaurut iḷivsiññun aŋalatquvluġi.

“Ilivsiḷi iñugiaktuanik miqłiqsiyumausi, kiŋuvaaġiniaqtasi iñuuyumaut sumipayaaq nunami.”